ուղիղ եթեր փակել
Այս պահին Երևանում
+32°
ощущаетվя как +26°C
բաց երկինք
10 մ/վ քամու ուժգնություն
արևածագ: 06:15
17.08.2022
USD 405.96 -0.13
GBP 491.13 +2.97
EUR 412.94 +1.53
GEL 145.05 -0.76
RUB 6.7 +0.08

Վերջին ավելացված հաղորդումներ

Ամենադիտվածներ

կարևոր
1630 դիտում, 1 տարի առաջ - 2021-07-29 18:07

Կառավարությունը որոշեց, որ համալսրանների ռեկտորները կարող են որևէ կոչում կամ գիտական աստիճան չունենալ

Կառավարությունը որոշեց, որ համալսրանների ռեկտորները կարող են որևէ կոչում կամ գիտական աստիճան չունենալ

Ռեկտորներին ներկայացվող պահանջներից հանվել է դոկտորի գիտական աստիճան եւ պրոֆեսորի կոչում ունենալու պահանջը: Այս որոշումը հաստատվել է Կառավարության այսօրվա նիստում: 

Ըստ որոշման՝ Երևանի Կոմիտասի անվան կոնսերվատորիայի ու Երևանի թատրոնի և կինոյի պետական ինստիտուտի ռեկտորին ներկայացվող պահանջներից հանվել է նաեւ ժողովրդական արտիստի կամ վաստակավոր արտիստի, կամ արվեստի վաստակավոր գործչի, կամ մշակույթի վաստակավոր գործչի պատվավոր կոչում ունենալու պահանջը:

Արդյունքում բոլոր ուսումնական հաստատությունների ռեկտորին ներկայացվող պահանջներում առկա է ցանկացած գիտական աստիճանի և առնվազն 5 տարվա ակադեմիական ու գիտական գործունեության ստաժ:

Որոշման հիմնավորման մեջ նշված է, որ նախագծի ընդունումը պայմանավորված է ռեկտորին ներկայացվող պահանջների նկատմամբ միասնական չափանիշներ ամրագրելու անհրաժեշտությամբ, որովհետեւ պետական մի քանի բուհերի կանոնադրություններում ռեկտորի ընտրության համար նախատեսված չեն դոկտորի գիտական աստիճանի և պրոֆեսորի կոչման պահանջներ, փոխարենը առկա է ուղղակի գիտական աստիճանի և աշխատանքային ստաժի պահանջ: Այդ համալսարաններն են Հայաստանի ազգային ագրարային համալսարանը, Հայաստանի ազգային պոլիտեխնիկական համալսարանը, Գավառի պետական համալսարանը, Վ. Բրյուսովի անվան պետական համալսարանը, Հայաստանի ֆիզիկական կուլտուրայի և սպորտի պետական ինստիտուտը, Հայաստանի գեղարվեստի պետական ակադեմիան:

Նման մոտեցում ամրագրված է վերջերս ընդունված «Բարձրագույն կրթության և գիտության մասին» օրենքում, որն այժմ վիճարկվում է Սահմանադրական դատարանում:

Հիշեցնենք, որ նախագահ Արմեն Սարգսյանը չի ստորագրել «Բարձրագույն կրթության և գիտության մասին» օրենքը և դիմել է Սահմանադրական դատարան:

Նշենք նաեւ, որ մամուլում լուրեր էին տարածվում, թե ԵՊՀ նոր ձեւավորված ժամանակավոր խորհուրդը մտադիր է ԵՊՀ ռեկտորի նոր պաշտոնակատար նշանակել ԱԺ յոթերորդ գումարման «Իմ քայլը» խմբակցության պատգամավոր, գիտությունների դոկտոր Հովհաննես Հովհաննիսյանին, որը, սակայն, չունի պրոֆեսորի կոչում: Կառավարության որոշումն այժմ արգելք չի սահմանի Հովհաննիսյանի հնարավոր նշանակման հետ կապված:

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS