կարևոր
631 դիտում, 1 ամիս առաջ - 2021-07-29 14:07

Թշնամու կրակոցից վիրավորված հայ զինվորները բժիշկների հսկողության տակ են. մեկի վիճակը ծայրահեղ ծանր է. Անահիտ Ավանեսյան

Թշնամու կրակոցից վիրավորված հայ զինվորները բժիշկների հսկողության տակ են. մեկի վիճակը ծայրահեղ ծանր է. Անահիտ Ավանեսյան

Ադրբեջանական զինված ուժերի կողմից իրականացված սադրանքի հետևանքով վիրավորված 4 զինծառայողներից մեկի՝ Վաչագան Արտուշի Մարտիրոսյանի վիճակը շարունակում է մնալ ծայրահեղ ծանր: Այս մասին այսօր Կառավարության նիստից հետո լրագրողների հետ զրույցում հայտնել է առողջապահության նախարարի պաշտոնակատար Անահիտ Ավանեսյանը:

«Հայ-ադրբեջանական սահմանին թշնամու արձակած կրակոցի հետևանքով վիրավորված զինծառայողները հիմա գտնվում են հոսպիտալում: Մենք մշտական կապի մեջ ենք պաշտպանության նախարարության հետ, և մեր մասնագետները ապահովում են մեր գործընկերներին բոլոր այն միջոցներով, որը անհրաժեշտ է լինում»,- ասաց նա:

Հիշեցնենք՝ հուլիսի 28-ին՝ ժամը 03:40-ի սահմաններում, ադրբեջանական ԶՈՒ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիս-արևելյան հատվածում: Ըստ պաշտպանության նախարարության՝ ընթացել են տեղային մարտեր: Ադրբեջանական հարձակման հետևանքով հայկական կողմն ունի 3 զոհ, 4 վիրավոր: