կարևոր
289 դիտում, 1 ամիս առաջ - 2021-07-28 23:32

Կորոնավիրուսի չորրորդ ալիքն արդեն ընդգրկել է Ֆրանսիայի ողջ տարածքը

Կորոնավիրուսի չորրորդ ալիքն արդեն ընդգրկել է Ֆրանսիայի ողջ տարածքը

Կորոնավիրուսի համավարակի չորրորդ ալիքն այլևս ընդգրկում է Ֆրանսիայի բոլոր շրջանները: Այս մասին հայտարարել է Ֆրանսիայի կառավարության պաշտոնական ներկայացուցիչ Գաբրիել Ատալը:

«Երկրում սանիտարական իրավիճակը շարունակում է վատթարանալ: Համավարակի չորրորդ ալիքը տարածվել է Ֆրանսիայի ողջ տարածքում»,- հայտնել է Ատալը: Նրա խոսքով՝ Ֆրանսիայի բոլոր շրջաններն այժմ հիվանդության տարածման արագության տեսանկյունից գտնվում են կարմիր գոտում:

Այդուհանդերձ, նա ընդգծել է, որ ակնհայտ տարբերություն կա նախորդ ալիքների և նոր դեպքերի շրջանում հոսպիտալացվողների քանակի միջև: Ատալի խոսքով՝ դա հնարավոր է եղել բնակչության շրջանում զանգվածային պատվաստումների շնորհիվ: