կարևոր
1381 դիտում, 1 ամիս առաջ - 2021-07-28 13:11

Անհետ կորած զինծառայողը հայտնաբերվել է. բժիշկները պայքարում են նրա կյանքի համար․ Գեղարքունիքի մարզպետ

Անհետ կորած զինծառայողը հայտնաբերվել է. բժիշկները պայքարում են նրա կյանքի համար․ Գեղարքունիքի մարզպետ

Անհետ կորած ժամկետային զինծառայողը հայտնաբերվել է։ Այս մասին հայտնել է Գեղարքունիքի մարզպետ Գնել Սանոսյանը:

«Նա վիրավոր է, վիճակը ծայրահեղ ծանր է։ Բժիշկները նրա կյանքի համար պայքարում են»,-հայտնել է մարզպետը։

Մյուս երեք վիրավորների առողջական վիճակը, ըստ Գնել Սանոսյանի՝ բավարար է, նրանց կյանքին վտանգ չի սպառնում։ Նրանք եւս ժամկետային զինծառայողներ են։

Մարզպետը նշել է, որ հայ-ադրբեջանական սահմանի հյուսիս-արեւելյան հատվածում, եռակողմ բանակցությունների արդյունքում, ժամը 10։40-ից հրադադար է հաստատվել, այս պահին կրակոցներ չկան ոչ մի ուղղությամբ սահմանագծի փոփոխություն տեղի չի ունեցել։

Հիշեցնենք, որ հուլիսի 28-ին՝ ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիս-արևելյան հատվածում: Ժամը 08։30-ի դրությամբ, հայկական կողմն ունի երեք զոհ, ևս երեք զինծառայող վիրավոր է։

Հայկական դիրքերի ուղղությամբ հարձակում նախաձեռնած ադրբեջանական ստորաբաժանումները, ժամը 09։20-ի դրությամբ, տալով կորուստներ, ետ են շպրտվել իրենց ելման դիրքեր։ Ռուսական կողմի միջնորդությամբ կողմերը հրադադարի պայմանավորվածություն են ձեռք բերել: