կարևոր
1792 դիտում, 1 ամիս առաջ - 2021-07-28 12:57

Այսօր գիշեր թշնամու կրակոցից զոհված Դավիթը Բերդ համայնքի Չինչին գուղից էր, 44 օրյա պատերազմի մասնակից

Այսօր գիշեր թշնամու կրակոցից զոհված Դավիթը Բերդ համայնքի Չինչին գուղից էր, 44 օրյա պատերազմի մասնակից

Խորը կսկիծով տեղեկացնում ենք, որ hուլիսի 28-ի գիշերը ադրբեջանական զինված ուժերի կողմից իրականացված սադրանքին դիմակայելու ընթացքում անմահացել է զինծառայող, շարքային Դավիթ Գառնիկի Քոչարյանը։ Այս մասին հայտնում է Բերդի համայնքապետարանը։

«Դավիթը Բերդ համայնքի Չինչին գյուղից էր, Արցախյան 44-օրյա պատերազմի մասնակից:

Վշտակցում ենք Դավիթ Քոչարյանի ծնողներին, հարազատներին, համագյուղացիներին և բոլորիս՝ անդառնալի, չափազանց թանկ կորստի համար. անամոք վիշտը բոլորինս է:

Ննջի՛ր խաղաղությամբ, սիրելի՛ Դավիթ, հավերժի՛ ճամփորդ:

Քո պայծառ անունը հավետ դաջված կլինի մեր սրտերում:

Խոնարհվում ենք»։

Չինչին վարչական շրջանի ղեկավար Կարեն Դարբինյանը 168.am-ի հետ զրույցում տեղեկացրել է. «Դավիթը 19 տարեկան էր, 1 տարվա ծառայող։ Համալսարան էր ընդունվել, սակայն չէր հասցրել սովորել, ծառայության էր մեկնել։ Ծնողները Ռուսաստանում են, այսօր զինկոմիսարիատի հետ գնացել, տեղեկացրել ենք ընտանիքին, գյուղում հորական և մորական տատիկ-պապիկներն են ապրում»,- ասաց վարչական շրջանի ղեկավարը, ապա հավելեց, որ այս պահին Մարտունի են գնում՝ Դավիթի մարմինը գյուղ տեղափոխելու։

Հիշեցնենք, որ հուլիսի 28-ին՝ ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիս-արևելյան հատվածում: Ժամը 08։30-ի դրությամբ, հայկական կողմն ունի երեք զոհ, ևս երկու զինծառայող վիրավոր է։