կարևոր
664 դիտում, 2 ամիս առաջ - 2021-07-27 22:39

Մոսկվայում Սերգեյ Շոյգուն հանդիպել է Հայաստանի Պաշտպանության նախարարության ներկայացուցչի հետ

Մոսկվայում Սերգեյ Շոյգուն հանդիպել է Հայաստանի Պաշտպանության նախարարության ներկայացուցչի հետ

Ռուսաստանի պաշտպանության նախարար Սերգեյ Շոյգուն Մոսկվայում հանդիպել է ՀՀ պաշտպանության նախարարի ժամանակավոր պաշտոնակատար Արշակ Կարապետյանի հետ: Այս մասին հայտնում է «Ինտերֆաքսը»՝ վկայակոչելով ռազմադիվանագիտական աղբյուրներին։

Հաղորդվում է, որ Կարապետյանը Մոսկվա է ժամանել հուլիսի 27-ի առավոտյան։ Բանակցությունները կրում էին ոչ հրապարակային բնույթ, ուստի դրանց թեմատիկան ու մանրամասները դեռ անհայտ են մնում։ Նշվում է, որ նախօրեին կողմերը հեռախոսազրույց են ունեցել՝ նվիրված Հարավային Կովկասում անվտանգության ապահովմանը:

Հիշեցնենք՝ Արշակ Կարապետյանին պաշտպանության նախարարի առաջին տեղակալ նշանակելու մասին հրամանագիրը Նիկոլ Փաշինյանը ստորագրել է հուլիսի 20-ին: Նախկինում նա զբաղեցնում էր ՀՀ Զինված ուժերի գլխավոր շտաբի պետի առաջին տեղակալի պաշտոնը, իսկ ներկայումս կատարում է նաև պաշտպանական գերատեսչության ղեկավարի պարտականությունները։