կարևոր
394 դիտում, 1 ամիս առաջ - 2021-07-26 18:33

Մովսես Հակոբյանի գործը քննող դատավորն ինքնաբացարկ է հայտնել

Մովսես Հակոբյանի գործը քննող դատավորն ինքնաբացարկ է հայտնել

Հայաստանի Զինված ուժերի Գլխավոր շտաբի նախկին պետ, գեներալ-գնդապետ Մովսես Հակոբյանի գործով դատավոր Վաչե Մարգարյանն ինքնաբացարկ է հայտնել՝ սեփական նախաձեռնությամբ:

Մովսես Հակոբյանը մեղադրվում է պետական գաղտնիք հրապարակելու համար:

Հիշեցնենք, որ պատերազմի ավարտից հետո՝ նոյեմբերի 19-ին, գեներալ-գնդապետ Մովսես Հակոբյանը հրավիրված ասուլիսի ընթացքում մի շարք աղմկահարույց հայտարարություններ է արել, որոնց համաձայն՝ պատերազմի 3-րդ օրը վարչապետը կանգնեցրել է բանակի լրահամալրումը եւ հանձնարարել առաջնագիծ ուղարկել կամավորականներին:

Մովսես Հակոբյանի հայտարարությունների հիման վրա Հատուկ քննչական ծառայությունում հարուցվել էր քրեական գործ՝ Հայաստանի քրեական օրենսգրքի 308-րդ հոդվածի 2-րդ մասով՝ պաշտոնեական լիազորությունների չարաշահման հատկանիշներով, որի շրջանակում առ այս պահը որեւիցե պաշտոնյայի մեղադրանք չի առաջադրվել: Բացի այդ՝ քրեական գործը չէր հարուցվել սուտ մատնության հատկանիշներով, փոխարենը՝ Ազգային անվտանգության ծառայությունում հարուցվել է քրեական գործ՝ պետական գաղտնիքի հրապարակման հատկանիշներով, որի շրջանակում մեղադրանք է առաջադրվել Մովսես Հակոբյանին՝ պետական գաղտնիք պարունակող տեղեկատվություն հրապարակելու համար:

Հատկանշական է, որ ԱԱԾ-ն այդ քայլով հաստատել է Հակոբյանի ասածի, հրապարակածի ճշմարտացիությունը: