կարևոր
733 դիտում, 2 ամիս առաջ - 2021-07-24 12:55

ՅՈՒՆԵՍԿՕ-ն Թուրքիայից զեկույց է պահանջել

ՅՈՒՆԵՍԿՕ-ն Թուրքիայից զեկույց է պահանջել

ՅՈՒՆԵՍԿՕ-ն պահանջել է Թուրքիայից 2022 թվականի փետրվարին ներկայացրել զեկույց, թե ինչ վիճակում է գտնվում Ստամբուլում մզկիթի վերածված Սուրբ Սոֆիա տաճարը: Այս մասին հայտնում է France Press գործակալությունը:

France Press-ի տվյալներով՝ ՅՈՒՆԵՍԿՕ-ի Համաշխարհային ժառանգության կոմիտեն «մտահոգություն է հայտնել բյուզանդական դարաշրջանի հուշակոթողին մզկիթի կարգավիճակ տալու» առնչությամբ և խնդրել Թուրքիային մինչև 2022 թվականի փետրվարի 1-ը տրամադրել կառույցի «վիճակի մասին թարմացված զեկույց»:

Թուրքական իշխանությունների կողմից Սուրբ Սոֆիայի տաճարը մզկիթի վերածելը, որը մինչ այդ թանգարան էր, միջազգային վրդովմունքի ալիք առաջացրեց եւ խորացրեց լարվածությունը Թուրքիայի եւ Հունաստանի միջեւ:

Թուրքիայի նախագահ Ռեջեփ Թայիփ Էրդողանը 2020 թվականի հուլիսի 10-ին հրամանագիր էր ստորագրել Սուրբ Սոֆիայի տաճարը մզկիթի վերածելու մասին: Շատ քրիստոնեական եկեղեցիներ, ինչպես նաև ՅՈՒՆԵՍԿՕ-ն, մտահոգություն էին հայտնել Թուրքիայի ղեկավարության այդ որոշման առնչությամբ: