կարևոր
1744 դիտում, 1 ամիս առաջ - 2021-07-23 18:13

Ստորագրահավաք Երևանում` ի պաշտպանություն Սյունիքի համայնքապետերի

Ստորագրահավաք Երևանում` ի պաշտպանություն Սյունիքի համայնքապետերի

Սյունիքի կալանավորված համայնքապետերին աջակցելու 3900 ստորագրություն միայն Քաջարան քաղաքից են ուղարկել Մարդու իրավունքների պաշտպանին, պրն․ Թաթոյանը պատրաստակամություն է հայտնել, որ դրանք կուղարկի Դատախազություն և ՀՔԾ։ Այս մասին ասաց «Հայաստան» դաշինքի անդամ Ռոբերտ Հայրապետյանը։

Նա նշեց, որ քանի որ Երևանում բնակվող շատ քաղաքացիներ, տեսնելով Քաջարանում և Գորիսում տեղի ունեցող երևույթները, հարցնում էին՝ արդյո՞ք Երևանում ևս հնարավորություն կլինի ստորագրելով աջակցություն հայտնել կալանավորված համայնքապետերին, այդ պատճառով էլ հիմա կազմակերպեն ստորագրահավաքը։

Այն սկսվել է 17։00-ից՝ Հյուսիսային պողոտայում, և ավարտվելու է 23։00-ին։

Օրվա վերջում ամփոփ տեղեկատվություն կտան հավաքված ստորագրությունների քանակի մասին։ Եթե քաղաքացիների հոսքը շարունակվի, ստորագրահավքը նաև վաղը կանեն։

Ռոբերտ Հայրապետյանն ասաց՝ եթե Վերաքննիչ դատարանում քննության առարկա դառնան գործերը, կարող են ստորագրությունները դեր խաղալ ներքին համոզմունք ձևավորելու հարցում, նաև ՄԻՊ-ի ուղարկած մարմիններին պետք կգան։ Բացի այս, Սյունիքի համայնքապետերից երկուսն արդեն երեկվանից հանդիսանում են ԱԺ պատգամավորներ, ինչը նշանակում է, որ նրանք արդեն անձեռնմխելիություն ունեն, անհրաժեշտ է Գլխավոր դատախազի միջնորդությունը և ԱԺ համաձայնությունը նրանց կալանքի տակ պահելու համար։ Ստորագրությունները միգուցե նաև այս գործընթացում օգտագործվեն։

Հիշեցնենք, որ ավելի վաղ Գորիսում ստորագրահավաք էին սկսել՝ հաջակցություն իրենց համայնքապետ, «Հայաստան» դաշինքի պատգամավորի թեքնածու Առուշ Առուշանյանի։ Իսկ հուլիսի 18-ից՝ Քաջարանում մեկնարկել էր ստորագրահավաք՝ հաջակցություն քաղաքապետ Մանվել Փարամազյանի