կարևոր
469 դիտում, 1 ամիս առաջ - 2021-07-22 19:56

Արգելում են տեսակցել Սյունիքի կալանավորված համայնքապետերին

Արգելում են տեսակցել Սյունիքի կալանավորված համայնքապետերին

Սյունիքի համայնքապետերի դեմ ապօրինի արշավ է, որը զուտ քաղաքական նեղ կրքերի բավարարման նպատակ ունի։ Այս մասին գրել է փաստաբան Ռոբերտ Հայրապետյանը։

Նա մասնավորապես նշել է․

«Սյունիքի կալանավորված համայնքապետերին տեսակցելն արգելված է անգամ ԱԺ պատգամավորներին։

Հիշեցնեմ՝  Բաբաջանյան Արմանը Նաիրի Հունանյանին տեսակցել էր։

Արձանագրենք՝ Սյունիքի համայնքապետերի դեմ ապօրինի արշավ է, որը զուտ քաղաքական նեղ կրքերի բավարարման նպատակ ունի։

Նաիրի Հունանյանը դատապարտված է ցմահ ազատազրկման ՀՀ վարչապետի, ԱԺ նախագահի և պատգամավորների սպանության մեղադրանքով»,- ասված է գրառման մեջ։

Հիշեցնենք, որ նախօրեին էլ Yerkirmedia.am-ին փաստաբան Էրիկ Ալեքսանյանը հայտնել էր, որ Գորիսի համայնքապետ Առուշ Առուշանյանին «Արմավիր» ՔԿ-ից տեղափոխել են ԱԱԾ մեկուսարան և արգելված է անգամ մտերիմների հետ տեսակցությունները։