կարևոր
361 դիտում, 2 ամիս առաջ - 2021-07-22 12:20

Հայաստանը 13-րդն է մուտք գործելու օլիմպիական խաղերի շքերթի ստադիոն

Հայաստանը 13-րդն է մուտք գործելու օլիմպիական խաղերի շքերթի ստադիոն

Հուլիսի 23-ին Տոկիոյի ազգային մարզադաշտում նախատեսված 32-րդ ամառային օլիմպիական խաղերի բացման արարողությանը ներկա կլինեն 950 հանդիսական: Այդ մասին տեղեկացրել է խաղերի կազմկոմիտեի ներկայացուցիչ Հիդեմասա Նակամուրան: Դրանք բոլորն էլ կլինեն պաշտոնատար անձիք. գրում է sports.ru-ն:

Դեռևս հայտնի չէ բացման արարողությանը մասնակցող մարզիկների քանակը: Նրանք պարտադիր կկրեն բժշկական դիմակներ և կպահպանեն սոցիալական հեռավորություն:

Յուրաքանչյուր երկիր կունենա երկու դրոշակակիր` մեկական կին և տղամարդ: ՄՕԿ-ն այս խաղերը փորձում է անցկացնել գենդերային հավասարության նշանաբանով: Մասնավորապես` այս խաղերում կին մասնակիցների թիվը կազմելու է 48,8 տոկոս:

Փոփոխություններ են կատարվել նաև երդման արարողությունում: Տեքստը կարտասանի ոչ միայն տղամարդկանց, այլև կանանց եռյակը (մեկական մարզիկ, մրցավար և մարզիչ):

Դեռ անհայտ են արարողության մանրամասները: Շքերթի ընթացքում պատվիրակությունների մուտքը ստադիոն կլինի ճապոնական այբուբենով:

Հայաստանը 13-րդն է մուտք գործելու ստադիոն: