կարևոր
598 դիտում, 2 ամիս առաջ - 2021-07-21 18:14

Առուշ Առուշանյանը ԱԱԾ մեկուսարանում է. Գորիսում ստորագրահավաք են կազմակերպել

Առուշ Առուշանյանը ԱԱԾ մեկուսարանում է. Գորիսում ստորագրահավաք են կազմակերպել

Գորիսում ստորագրահավաք են սկսել՝ հաջակցություն իրենց համայնքապետ, «Հայաստան» դաշինքի պատգամավորի թեքնածու Առուշ Առուշանյանի։ Այս մասին հայտնել է Առուշ Առուշանյանին աջակցության նախաձեռնող խումբի անդամ Զաքար Խոջաբաղյանը։

«Ստորագրահավաքին կարող եք միանալ վաղը՝ 21․07․2021 թ․ ժամը 17։00-ից, Գորիսի Գ․ Տաթևացու անվան հրապարակում (Մշակույթի տան հարակից տարածք), կարող եք միանալ ստորագրահավաքին»,-գրել է նա։

Նշենք, որ Առուշ Առուշանյանին «Արմավիր» ՔԿ-ից տեղափոխել են ԱԱԾ մեկուսարան։ Այս մասին Yerkirmedia.am-ին հայտնել է նրա փաստաբան Էրիկ Ալեքսանյանը։

Փաստաբանը նշել է, որ Գորիսի համայնքապետին մեկուսարան են տեղափոխել երեկ․ արգելված է անգամ մտերիմների հետ տեսակցությունները։

Հիշեցնենք, որ Առուշ Առուշանյանին մեղադրանք է առաջադրվել ՀՀ քրեական օրենսգրքի 35-154.2-րդ հոդվածի 4-րդ մասի 2-րդ կետով, 38-149-րդ հոդվածի 2-րդ մասի 4-րդ կետով և 38-154.2-րդ հոդվածի 3-րդ մասով (քվեարկության գաղտնիությունը խախտելը, ընտրական իրավունքի իրականացմանը խոչընդոտելը)։

ՀՀ ՀՔԾ քննիչի կողմից միջնորդություն է ներկայացվել Երևանի ընդհանուր իրավասության դատարան՝ Առուշ Առուշանյանի նկատմամբ կալանավորումը որպես խափանման միջոց ընտրելու համար: