կարևոր
2833 դիտում, 1 տարի առաջ - 2021-07-18 18:19

Շուշիի գորգերի թանգարանի փրկված նմուշներից շուրջ 70 գորգ այսօր «արևին են տվել». ՖՈՏՈՇԱՐՔ

Շուշիի գորգերի թանգարանի փրկված նմուշներից շուրջ 70 գորգ այսօր «արևին են տվել». ՖՈՏՈՇԱՐՔ

Շուշիի գորգերի թանգարանի փրկված նմուշներից շուրջ 70 գորգ այսօր «արևին են տվել»։ Ալեքսանդր Թամանյանի անվան ճարտարապետության ազգային թանգարան-ինստիտուտը Շուշիի գորգերի թանգարանի հետ միասին կազմակերպել էր «Գորգերին արեւին տանք» խորագիրը կրող ֆլեշ-մոբը։

Արցախյան վերջին պատերազմից հետո Շուշիի գորգերի թանգարանի նմուշները կես տարի է արդեն Երևանում են, որոնք ցուցադրվում են Ալ. Թամանյանի անվան ճարտարապետության ազգային թանգարան-ինստիտուտի կողմից։ Գորգերը թանգարանի հիմնադիր Վարդան Ասծատրյանի անձնական հավաքածուից են եւ Շուշիից հանվել են նախորդ տարվա նոյեմբերի 1-ին։ Նրա խոսքով գորգերը տարին մեկ անգամ պետք է անպայման արեւին տալ։  «Արևի տակ փռելը պարտադիր պայման է փաթաթված գորգերի համար, և եթե արևին չտաս, ժամանակի ընթացքում գորգը կփչանա` թղթի պես կարող է պատռվել այն։ Նույն գործողությունն անում էինք նաև Շուշիում` գորգերի թանգարանի առջևի հատվածում. ավանդույթները շարունակվում են»,–Շուշիի գորգերի թանգարանի հիմնադիր Վարդան Ասծատրյանը: 

Շուշիի գորգերի թանգարանը միակն է, որ փրկվել է. սա նաև միակ օղակն է Շուշիի հետ կապող, եթե չպահպանենք գորգերն ու թանգարանի գաղափարը՝ Շուշին մեր մեջ կկորցնենք, նշել է Ասծատրյանը։