Երկրի ապագայով մտահոգ քաղաքական ուժերի ներկայացուցիչները մարդկանց հորդորում են դուրս գալ անտարբերության թմբիրից․ ՏԵՍԱՆՅՈւԹ

Արտահերթ ընտրություններն անցկացվում են ճգնաժամը հաղթահարելու համար, մինչդեռ մեր երկրում վերջին ընտրությունները ոչ միայն չլուծեցին. այլեւ՝ ավելի խորացրին առկա ճգնաժամը: Սա է ստեղծված իրավիճակին Հետընտրական Հայաստան խորագիրը կրող համաժողովի մասնակիցների գնահատակը:

Հաղթող ղեկավարն ըստ Արթուր Ղազինյանի՝ այլ քաղաքական հայացքներ ունեցող Սյունիքի համայանքապետերին քաղաքական հետապնդման չէր ենթարկի: Եթե Նիկոլ Փաշինյանին վստահողների թիվն էապես նվազել է, ապա նրա մանդատը չի կարող պողպատյա լինել: Փաշինյանի հետ համագործակցության գնացող արտախորհրդարանական ուժերին էլ զգուշացնում է՝ այդկերպ մեկընդմիշտ կկորցնեն իրենց քաղաքական կապիտալը:

Ֆեյքերի ֆաբրիկան, ազատ մամուլի սահմանափակումն ու փոխարենը դաշտն ապատեղեկատվությամբ ողողելը ըստ Դաշնակցության ներկայացուցիչ Բագրատ Եսայանի՝ երկիրը տարան դեպի ճգնաժամ:

Հետեւանքն ըստ բանախոսների այն է, որ մեր հասարակությունը մերժում է մյուս բոլոր քաղաքական ուժերին, անտարբեր է դարձել կատարվողի նկատմամբ:

Մինչդեռ, եթե այլ երկրների քաղաքացիները կարող են իրենց թույլ տալ քաղաքականությունից կտրված ապրել, ապա մեր երկում, զգուշացնում են՝ դա կարող է կործանարար լինել:

Մանրամասնում է՝ Անահիտ Հովհաննիսյանը։