կարևոր
3085 դիտում, 1 տարի առաջ - 2021-07-09 14:56

Պարեկային ծառայությունը խախտում է Սահմանադրության և «Լեզվի մասին» ՀՀ օրենքի պահանջները․ Լեզվի պետական կոմիտե

Պարեկային ծառայությունը խախտում է Սահմանադրության և «Լեզվի մասին» ՀՀ օրենքի պահանջները․ Լեզվի պետական կոմիտե

Լեզվի կոմիտեն հանդես է եկել հայտարարությամբ՝ անդրադառնալով նրան, որ նորաստեղծ Պարեկային ծառայության ավտոմեքենաների եւ պարեկների համազգեստի վրա գերակայում է օտար լեզուն:

Հայտարարությունում ասվում է.

«Հայաստանի Հանրապետության պետական լեզուն հայերենն է։ Օրենքի և իրավունքի ուժով գերակա է պետական լեզուն։

Պարեկային ծառայության ավտոմեքենաների և պարեկների համազգեստի վրա զետեղված տեղեկույթում գերակայում է օտար լեզուն, որը չի բխում Հայաստանի Հանրապետության Սահմանադրության 20-րդ հոդվածից և «Լեզվի մասին» Հայաստանի Հանրապետության օրենքից։

Հայաստանի Հանրապետության լեզվի կոմիտեն օրենքով իրեն վերապահված լիազորությունների շրջանակում ձեռնարկում է անհրաժեշտ միջոցներ խնդրին առնչվող հանգամանքները պարզելու և օրենքով նախատեսված ընթացակարգն ապահովելու համար։

Լեզվի կոմիտեն բարձր է գնահատում պետական լեզվի նկատմամբ հանրության նախանձախնդրությունը, որը կոմիտեի ամենօրյա աշխատանքի՝ հայերենի գերակայությունն ապահովելու լրացուցիչ խթան է։