կարևոր
460 դիտում, 2 ամիս առաջ - 2021-07-09 11:27

Տոկիոյում մեկնարկեց օլիմպիական կրակի փոխանցավազքի եզրափակիչ փուլը

Տոկիոյում մեկնարկեց օլիմպիական կրակի փոխանցավազքի եզրափակիչ փուլը

Հուլիսի 9-ին Ճապոնիայի մայրաքաղաքում մեկնարկել է օլիմպիական կրակի փոխանցավազքի եզրափակիչ փուլը՝ ամառային Օլիմպիական խաղերն սկսվելուց տուղիղ երկու շաբաթ առաջ: Այդ առթիվ հանդիսավոր արողությունը տեղի է ունենում «Կոմաձավա օլիմպիկ» մարզադաշտում:

Արարողության ընթացքում Տոկիոյի նահանգապետ Յուրիկո Կոիկեն օլիմպիական կրակով ջահն ստացել է փոխանցավազքի «դեսպանորդ» երեք Պարալիմպիական խաղերի մասնակից Ակի Տագուտիից: Դա նշանավորել Է կրակի պաշտոնական գալուստը Տոկիո եւ փոխանցավազքի վերջին փուլի սկիզբը:

Տոկտիոյի փուլը բաժանված է վեց մասի: Այն կավարտվի օլիմպիական գլխավոր ասպարեզում՝ հուլիսի 23-ին Օլիմպիական խաղերի բացման օրը:

Օլիմպիական խաղերը Ճապոնիայի մայրաքաղաքում պետք Է տեղի ունենային 2020 թվականի հուլիսի 24-ից մինչեւ օգոստոսի 9-ը: Կորոնավիրուսային համավարակի պատճառով մրցումները հետաձգվեցին մեկ տարով: Օլիմպիական խաղերը կկայանան 2021 թվականի հուլիսի 23-ից մինչեւ օգոստոսի 8-ը, Պարալմիպիական խաղերն՝ օգոստոսի 24-ից մինչեւ սեպտեմբերի 5-ը: