կարևոր
847 դիտում, 2 ամիս առաջ - 2021-07-05 20:01

Վրաստանի մայրաքաղաքում բախումներով ուղեկցվող բողոքի ակցիաներ են տեղի ունենում․ ՏԵՍԱՆՅՈւԹ

Վրաստանի մայրաքաղաքում բախումներով ուղեկցվող բողոքի ակցիաներ են տեղի ունենում․ ՏԵՍԱՆՅՈւԹ

Հայաստանի հյուսիսային հարեւան երկրում լարված իրավիճակ է:

Մայրաքաղաք Թբիլիսիում այսօր բախումներով ուղեկցվող բողոքի ակցիաներ են տեղի ունեցել՝ ԼԳԲՏ անձանց իրավունքների պաշտպանությանը նվիրված «Հպարտության շքերթի» դեմ:

Սեռական փոքրամասնությունների այս միջոցառմանը դեմ հանդես եկող պահպանողական, ծայրահեղական խմբերը ներխուժել են Tbilisi Pride-ի գրասենյակ, հանել պատշգամբից կախված ԼԳԲՏ դրոշն ու ծածանել Վրաստանի դրոշը:

Կենտրոնական՝ Ռուսթավելի պողոտայում նախանշված «Արժանապատվության երթը» խափանելու համար՝ ազգայնականները փակել են պողոտան, Վրաստանի խորհրդարանի շենքիցէլ իջեցրել Եվրամիության դրոշը: Հաղորդվում է, որ ցուցարարները ագրեսիվ էին տրամադրված ակցիան լուսաբանող լրագրողների նկատմամբ:

Rustavi 2-ի տվյալներով՝ 15 լրագրող է տուժել: Ոստիկանները բերման են ենթարկել մի քանի ցուցարարի:

Ի վերջո, Tbilisi Pride-ի կազմակերպիչները հայտարարել են, որ հաշվի առնելով մայրաքաղաքում ստեղծված իրավիճակը, հետաձգում են Ռուսթավելիում ծրագրած «Արժանապատվության երթը»:

Հատկանշական է, որ երթին հրապարակավ դեմ է արտահայտվել նաեւ Վրաստանի վարչապետը: Իրակլի Ղարիբաշվիլին նպատակահարմար չի գտնում այս միջոցառման անցկացումը Ռուսթավելի պողոտայում, քանի որքաղաքացիական առճակատման վտանգ է տեսնում: Վարչապետը կազմակերպիչներին կոչ է արել գտնել այլընտրանքային տարբերակներ:

Տեսանյութը՝ այստեղ։