Ի՞նչ ունենք այսօր․ անթաղ մեռելներ, չգտնված դիակներ, հայրենիք ներխուժած ոսոխ․ Վարդան Օնանյան

«Երկիր Մեդիա» հեռուստաընկերության «Երկիրը երկիր է» հաղորդման հեղինակ, Արցախյան 44-օրյա պատերազմի մասնակից Վարդան Օնանյանը, որը բեկորային վնասվածքներ է ստացել ոտքի շրջանում և դեռևս գտնվում է ապաքինման փուլում, գրառում է կատարել՝ անդրադառնալով երկրի ներկա իրավիճակին։ Գրառումն ամբողջությամբ ներկայացնում ենք ստորև․

«Ի՞նչ ունենք.

ա/ անթաղ մեռելներ /թիվը հայտնի չէ/;

բ/ չգտնված դիակներ /թիվը հայտնի չէ/;

գ/ ռազմագերիներ /թիվը հայտնի չէ/;

դ/ դատվող ռազմագերիներ /թիվը հայտնի է ադրբեջանական աղբյուրներից/;

ե/ մոտ 10000 քառ. մետր բռնազավթված հայրենիք;

զ/ Սյունիք ու Գեղարքունիք ներխուժած ոսոխ /թիվը հայտնի չէ/;

է/ վերը թվարկածին՝ անտարբեր կառավարություն

ը/ անտեսված կամ մոռացված վիրավորներ;

թ/ քայքայվող տնտեսություն /փակված բիզնեսների թիվը հայտնի չէ/;

ժա/ արտագաղթողներ /թիվը հայտնի չէ, գնացեք անձնագրային բաժիններ ու օդանավակայաններ, ավտոկայաններ/;

ժբ/ չորացող դաշտեր և այգիներ /թիվը հայտնի չէ/;

ժգ/ սուտ թվեր ներկայացնող կառավարություն;

ժդ/ վերը թվարկածին՝ անտարբեր հասարակության մեծ մաս /թիվը հայտնի չէ/;

ժե/ ճոխ և աղմկոտ խրախճանք-հարսանիք-հրավառություն անողներ;

ժզ/ անհասկանալի հրամաններ ստացող սահմանապահներ;

ժէ/ քայքայված ու բարոյալքված բանակ;

ժը/ այսպես կոչված՝ Զանգեզուրի միջանցք տալու վտանգ;

ժթ/ անորոշ ապագա:

Հարց.

-Ի՞նչ եմ մոռացել;

-Ի՞նչն եմ չափազանցրել»: