կարևոր
2077 դիտում, 1 տարի առաջ - 2021-06-30 17:05

Վրաստանի ԿԸՀ-ի ղեկավարը հրաժարական է տվել

Վրաստանի ԿԸՀ-ի ղեկավարը հրաժարական է տվել

Վրաստանի Կենտրոնական ընտրական հանձնաժողովի ղեկավար Թամար Ժվանիան հրաժարական Է տվել: Այդ մասին Ժվանիան հայտնել է ֆեյսբուքյան իր Էջում:

Նրա խոսքով, պաշտոնը կարող էր զբաղեցնել ևս երկու տարի, սակայն Շառլ Միշելի համաձայնագրով ընդունված կարգավորումները նոր իրականություն են ստեղծել և ԿԸՀ-ի նախագահի նոր կարգով ընտրությունները լրացուցիչ խթանիչ գործոն կհանդիսանան ընդարձակ քաղաքական համաձայնության համար:

«Համոզված եմ, որ իմ որոշումը կբարձրացնի կառուցողական հարաբերությունների հնարավորությունը քաղաքական ուժերի միջև, ինչն իր հերթին կնպաստի ընտրական վարչությանը, առաջիկա ընտրական գործընթացին և ընդհանուր մեր երկրին»,- գրել է Ժվանիան:

Հիշեցնենք, որ նախորդ տարի տեղի ունեցած խորհրդարանական ընտրություններից հետո ընդդիմությունն ու քաղաքացիական հասարակության մի մասը Ժվանիային մեղադրում էր ընտրությունների կեղծման մեջ և պահանջում նրա հրաժարականը: