կարևոր
4816 դիտում, 1 տարի առաջ - 2021-06-26 14:15

Հադրութում ադրբեջանցիները պատերազմի հաղթանակի «Երկաթե բռունցք» հուշարձան են տեղադրել

Հադրութում ադրբեջանցիները պատերազմի հաղթանակի  «Երկաթե բռունցք» հուշարձան են տեղադրել

Ադրբեջանն Արցախյան երկրորդ պատերազմի արդյունքներով իր վերահսկողության տակ անցած Հադրութ քաղաքում տեղադրել է «Երկաթե բռուցք» հուշարձանը, հայտնում է minval.az-ը:

Պատերազմի զոհերի հիշատակին նվիրված հուշահամալիրի մոտ կանգնեցված հուշարձանը կազմված է բունցքի ու այն շրջապատող զինվորների ու անօդաչու սարքերի քանդակներից:

Հատկանշական է, որ այդ արձանի հարևանությամբ նաև ինչ-որ անուններ են հրապարակվել: Ենթադրվում է, որ դրանք ադրբեջանցի զինծառայողների անուններն են: Անուններից բացի, պատին երևում է նաև ադրբեջանական քարտեզը, կամ՝ քարտեզի ադրբեջանական տարբերակը, որտեղ Հայաստանն Իրանի հետ սահման չունի: Սա այն միջանցք ասվածն է, որի մասին այսքան խոսում է թուրք-ադրբեջանական կողմը: