Օտարերկրացիները Եգիպտոս կարող են մուտք գործել առանց ՊՇՌ թեստերի

Օտարերկրացիները կարող են մուտք գործել Եգիպտոս առանց ՊՇՌ թեստերի, եթե նրանք ժամանում են նոր շտամներով կորոնավիրուս չունեցող երկրներից: Այս մասին ասված է Egypt Air ավիաընկերությա մամուլի տեղեկագրում:

«Այն ուղեւորները, որոնք գալիս են պատվաստումների փաստաթղթով այն երկրներից, որոնք չեն ենթարկվել կորոնավիրուսի մուտացիաների ազդեցությանը, ստուգվում են պատվաստման վկայականը»-ասված Է ավիաընկերության հաղորդագրությունում:

Ընդունվում են Առողջապահության համաշխարհային կազմակերպության (ԱՀԿ) և Եգիպտոսի դեղերի վարչության կողմից հաստատված պատվաստանյութերը։ Մուտքը թույլատրվում է Sputnik V, Pfizer, AstraZeneca, Moderna, Sinopharm, Sinovac պատվաստանյութերի 2 չափաբաժինները ստացածներին, երկրորդ չափաբաժինը ստանալուց 14 օր հետո, կամ Johnson & Johnson-ի մեկ չափաբաժին ստանալուց 14 օր անց։

Հավաստագրերը պետք է պարունակեն QR պաշտոնական մարմնի ծածկագիրը և կնիքը։

Միևնույն ժամանակ, սահմանվում է, որ դա վերաբերում է այն երկրներին, որոնք «չեն տուժել կորոնավիրուսի մուտացիայի ենթարկված շտամներից»: Եթե ուղևորը ժամանում է մուտացիաներ գրանցած երկրներից մեկից, ապա նույնիսկ պատվաստումների վկայականի առկայության դեպքում օդանավակայանում պետք է կատարի կորոնավիրուսի արագ թեստավորում։ Եթե պարզվում է, որ արդյունքը դրական է, ապա օտարերկրյա քաղաքացին պարտավոր է կատարել մեկ այլ ՊՇՌ թեստ: Եթե այս թեստը դրական է, ապա ուժի մեջ է մտնում մի պրոտոկոլը, համաձայն որի վարակված անձին տեղափոխում են կովիդ բուժող հիվանդանոց:

Հունիսի 23-ի տվյալներով՝ Եգիպտոսում պանդեմիայի սկզբից ի վեր կորոնավիրուսի ավելի քան 206 հազար դեպք է գրանցվել, մահացել է ավելի քան 15 հազար մարդ: