Պրոֆեսոր Չարչյանը, մինչ ապօրինի որոշման հրապարակումը, տեղափոխվել է հիվանդանոց. հրատապ միջնորդություն ենք ներկայացրել ՀՀ գլխավոր դատախազին. Արամ Վարդևանյան

Չնայած ուշ ժամին, ստիպված ենք տեղեկացնել, որ Պրոֆեսոր Չարչյանը մինչ այսօրվա խայտառակ և ապօրինի որոշման հրապարակումը շտապ օգնության միջոցով տեղափոխվել է հիվանդանոց։ Այս մասին հայտնում է Արամ Վարդևանյանը։

«Հավելյալ տեղեկություններ Պրոֆեսորի առողջական վիճակի մասին այս պահին չունենք։ Տեղեկացնում ենք նաև, որ ստեղծված իրավիճակում հրատապ միջնորդություն ենք ներկայացրել ՀՀ գլխավոր դատախազ Արթուր Դավթյանին։ Միջնորդությամբ խնդրել ենք իրացնել հայեցողական լիազորությունը՝ վերացնել կալանավորումը որպես խափանման միջոց։

Հիշեցնենք, որ հենց նման դեպքերի համար է առհասարակ քրեադատավարական օրենսդրությամբ նման լիազորություն տրված Դատախազությանը»,-գրել է Վարդևանյանը։