կարևոր
1486 դիտում, 1 տարի առաջ - 2021-06-19 12:54

Իրանի նախագահական ընտրություններում հաղթել է Էբրահիմ Ռայիսին

Իրանի նախագահական ընտրություններում հաղթել է Էբրահիմ Ռայիսին

  
Մեր հարավային հարեւանը նոր նախագահ ունի: Իրանի Գերագույն դատարանի նախագահ Էբրահիմ Ռայիսին հաղթել է այդ երկրի նախագահական ընտրություններում՝ հավաքելով մոտ 17,8 մլն ձայն:

Իսլամական Հանրապետության ընտրությունների անցկացման շտաբի ղեկավար Ջամալ Օրֆը հավելել է, որ տվյալները նախնական են, վերջնական արդյունքները կհայտարարվեն օրվա ընթացքում: Սակայն 60-ամյա Ռայիսին արդեն շնորհավորանքներ է ստացել անգամ իր մրցակիցներից:

Նշենք, որ նախագահական այս ընտրություններում պայքար էր ընթանում պահպանողականների ու բարեփոխականների միջեւ, ու Ռայիսին պահպանողական թեւն է ներկայացնում: Հավելենք նաեւ, որ Իրանում ընտրություններին մասնակցել է 28 միլիոն 600 հազար մարդ: