կարևոր
1501 դիտում, 1 տարի առաջ - 2021-06-16 21:22

Ըմբշամարտի Եվրոպայի պատանեկան առաջնությունում Արեն Իսրայելյանը դարձել է առաջնության ոսկե մեդալակիր

Ըմբշամարտի Եվրոպայի պատանեկան առաջնությունում Արեն Իսրայելյանը դարձել է առաջնության ոսկե մեդալակիր

Բուլղարական Սամոկով քաղաքում շարունակվում է ըմբշամարտի Եվրոպայի պատանեկան առաջնությունը:

Արեն Իսրայելյանը դարձել է առաջնության ոսկե մեդալակիր՝ եզրափակչում առավելության հասնելով ռուս մրցակցի նկատմամբ:

55 կգ քաշային կարգի, ազատ ոճային ըմբիշ Անդրանիկ Ավետիսյանը ևս դարձել էր Եվրոպայի առաջնության հաղթող: Նա փայլուն հաղթանակներ էր տարել և հասել կիսաեզրափակիչ, որտեղ 12:5 հաշվով հաղթել էր ադրբեջանցի Սուբհան Սաֆարլիին, իսկ եզրափակչում ոչ մի շանս չէր տվել վրացի Թամազի Սուլամանիձեին: Գոտեմարտն ավարտվել էր 11:0 հաշվով:

Բրոնզե մեդալակիրներ են դարձել 65 կգ Անուշավան Բարսեղյանը եւ 80 կգ Նարեկ Գրիգորյանը:

Ազատ ոճի ըմբշամարտի Հայաստանի պատանեկան հավաքականը ԵԱ թիմային հաշվարկում զբաղեցրել է 2-րդ տեղը: