կարևոր
1102 դիտում, 1 տարի առաջ - 2021-06-13 13:19

«Հայաստան» դաշինքը խիստ կարևորում է առողջապահության ոլորտը․ Ծրագրային դրույթներ

Այսօր ավելի, քան երբևիցե բոլորիս մտահոգում է մեր երկրի անվտանգության և ամբողջականության վերականգնումը, ուժեղ և հզոր հայրենիք ունենալու կարևորությունը։ Հայրենիք, որտեղ յուրաքանչյուր հայ կապրի արժանավայել, որտեղից ոչ ոք չի ուզենա արտագաղթել, հակառակը՝ կսկսվի ներգաղթ: Այս մասին Վանաձորում քարոզարշավի ժամանակ ասաց «Հայաստան» դաշինքի անդամ Ռիմա Ղազարյանը։

Մասնագիտությամբ բժիշկ Ռիմա Ղազարյանն անդրադարձավ բժիշկների անձնուրաց աշխատանքին։ Նա փաստեց, որ պատերազմի առաջին իսկ օրվանից բժիշկների բանակը եղել է զինվորի ու նրա ընտանիքի կողքին, համավարակի առաջին իսկ օրվանից մինչ այսօր՝ ժողովրդի կողքին։

«Այսօր բժշկության ոլորտը պետական հովանավորության կարիք, իրավաբանորեն պաշտպանված և նյութապես ապահովված լինելու կարիք։ Սա շատ կարևոր է, քանի որ հենց այս բանակն է հասարակության առողջության ու երկարակեցության գրավականը»,- շեշտեց Ղազարյանը։

Նա ներկայացրեց «Հայաստան» դաշինքի ծրագրի՝ առողջապահական խնդիրների լուծմանն ուղղված դրույթները։