կարևոր
1405 դիտում, 1 տարի առաջ - 2021-06-12 15:47

Մարդիկ «Հայաստան» դաշինքի օգտին քվեարկելու են թռիչքաձեւ տնտեսական աճ, անվտանգ երկիր ու սահմաններ ունենալու համար. Ռոբերտ Քոչարյան

Մարդիկ «Հայաստան» դաշինքի օգտին քվեարկելու են թռիչքաձեւ տնտեսական աճ, անվտանգ երկիր ու սահմաններ ունենալու համար. Ռոբերտ Քոչարյան

Ստեփանավանում մեծ ծավալի աշխատանքներ են արվել, եւ ես չեմ պատկերացնում, թե ոնց է կարելի գնալ մի տեղ եւ խոսել ընտրություններից, ձայներից, մարդկանց վստահությունից` ոչինչ չարած: Սա լկտիության նման մի բան է. ոչինչ չես անում, բայց գնում ես, ասում՝ դուք ինձ պարտք եք, որովհետեւ ես եմ: Ինչի՞ համար: Մենք եթե ասում ենք, որ մի բան անելու ենք, անում ենք: Եվ դա մենք ապացուցել ենք: Ստեփանավանցիների հետ հանդիպման ժամանակ այս մասին հայտարարեց Հայաստանի երկրորդ նախագահ Ռոբերտ Քոչարյանը:

Նա նշեց, որ մարդիկ դաշինքի օգտին քվեարկելու են թռիչքաձեւ տնտեսական աճ, անվտանգ երկիր ու սահմաններ ունենալու համար: 

«Եթե դու ուզում ես հաջողություններ ունենալ, ներդրումներ ունենալ, աշխատատեղեր ստեղծել, մարդկանց տրամադրությունը պետք է փոխես: Մինչեւ տրամադրությունը չփոխվի, ոչինչ չի լինելու: Քանի որ մենք գիտենք, որ գալու ենք իշխանության, տրամադրությունը սկսել ենք փոխել արդեն հիմա»,- ասաց Ռոբերտ Քոչարյանը: