կարևոր
1000 դիտում, 1 շաբաթ առաջ - 2021-06-11 15:50

Գործ ունենք Նիկոլի և նիկոլիզմի հակամարդկային աղանդի հետ․ Արծվիկ Մինասյան

Գործ ունենք Նիկոլի և նիկոլիզմի հակամարդկային աղանդի հետ․ Արծվիկ Մինասյան

Հաստատում ենք, որ գործ ունենք Նիկոլի և նիկոլիզմի՝ իբրև հակաազգային, հակաքրիստոնեական, հակապետական և հակամարդկային աղանդի հետ: Այս մասին ասաց ՀՅԴ Հայաստանի ԳՄ անդամ, «Հայաստան» դաշինքի անդամ Արծվիկ Մինասյանը Աբովյանի ընտրողների հետ հանդիպմանը։

«Որևէ այլ հաստատում չի կարող լինել, երբ թուրքը նստած Հայաստանի սահմանին՝ մորթում է հայ մարդուն, ոչնչացնում է հայոց պետականությունը, և դեռևս շարունակում են մնալ մարդիկ, ովքեր պաշտպանում են Նիկոլ Փաշինյանին։ Սա այլ բնորոշում, քան «աղանդ» չունի։ Հիմնված է այս աղանդը կույր հավատի և սիրո վրա»,-ասաց նա։

Արծվիկ Մինասյանը նշեց, որ այս աղանդը բուժելու բոլոր հնարավորւթյունները ունեն իրենք, որովհետև հայ ժողովուրդը, հայ ազգը իր պատմության ընթացքում միշտ հանդիպել է այսպիսի աղանդների, բայց կարևոր պահին ազգայինը տարանջատել է ապազգայինից, վստահություն ունեցել իր զավակի նկատմամբ, և դուրս է մղել այսպիսի աղանդներին ու վերահաստատել ազգային արժանապատվությունը, կերտել է պետականություն։

«Այսօր եկել է այդ ժամանակը, որ միասին վերահաստատենք մեր ազգային գենը, մեր հայ լինելու, հայ մարդ մնալու, մեր պետականությունը ամրացնելու գենը, և մենք ձեզ հետ միասին կարող ենք դա անել»,-ասաց Մինասյանը։

Որպեսզի սա հնարավոր լինի, Արծվիկ Մնասյանի խոսքով,  բոլորս միասին պետք է դառնանք քարոզիչը ազգային պետություն կերտելուն և ընտրենք «Հայաստան» դաշինքին՝ թիվ 24-ին։