կարևոր
760 դիտում, 1 շաբաթ առաջ - 2021-06-11 10:01

Ձերբակալվել է «Պատիվ ունեմ» դաշինքի պատգամավորության թեկնածու Ռուբեն Խլղաթյանը. փաստաբան

Ձերբակալվել է «Պատիվ ունեմ» դաշինքի պատգամավորության թեկնածու Ռուբեն Խլղաթյանը. փաստաբան

Ձերբակալվել է «Պատիվ ունեմ» դաշինքի պատգամավորության թեկնածու Ռուբեն Խլղաթյանը, այս մասին ֆեյսբուքյան իր էջում հայտնել է նրա փաստաբան Գայանե Պապոյանը:

«Տեղեկացնում եմ, որ ձերբակալվել է «Պատիվ ունեմ» դաշինքի պատգամավորության թեկնածու Ռուբեն Խլղաթյանը (Արմավիրի նախկին քաղաքապետ)։

Հայտարարում ենք, որ ձերբակալումը կրում է բացառապես քաղաքական հետապնդման երանգ։ Ամբողջը շինծու և ապօրինի է։ Այն նպատակ ունի ընտրություններից առաջ խոչընդոտել «Պատիվ ունեմ» դաշինքի քաղաքական գործունեությունը»,- ասված է Խլղաթյանի փաստաբաններ Գայանե Պապոյանի և Արսեն Սարդարյանի անունից տարածված հաղորդագրությունում։

«Պատիվ ունեմ» դաշինքի անդամ Արսեն Բաբայանն էլ անդրադառնալով թեմյին հայտնել է, որ Ռուբեն Խլղաթյանի դեմ շինծու քրեական գործի նպատակն է կասեցնել «Պատիվ Ունեմ» դաշինքի վարկանիշի սրընթաց աճն ու խոչընդոտել իրենց հաղթող քարոզարշավը:

«Վերջին շաբաթում բազմաթիվ հեղինակավոր կազմակերպությունների կողմից անցկացված հարցումներն ու հետազոտությունները հստակ վկայում են, որ «Պատիվ Ունեմ» դաշինքի վարկանիշը սրընթաց աճում է։ Հենց այս փաստն է սարսափի մեջ գցել կապիտուլյանտին, որի պատճառով էլ վերջինս որոշել է մեր դաշինքի ներկայացուցչի նկատմամբ իրականացնել հերթական քաղաքական հետապնդումը։

Ինչքան հնարավոր ու անհնար սուտ կար դրանցով կապիտուլյանտն արդեն հասցրել է մեղադրել է վարչապետի թեկնածու Արթուր Վանեցյանին։ Քրեական օրենսգրքում ինչքան հոդված կար՝ ամեն մեկով մի քանի քրեական գործեր է հարուցել մեր նկատմամբ։ Սակայն այդ բոլոր քրեական գործերը հերթով ու շարքով պայթում են հենց կապիտուլյանտի գլխին։

Ակնհայտ է, որ մեր հաղթող քարոզարշավը շատ է ցավացրել կապիտուլյանտին և նա որոշել է գործի դնել իր համար սովորական դարձած ամենաստոր մեթոդները։ Այս անգամ էլ նա ձերբակալել է մեր դաշինքի ուժեղ թեկնածուներից Ռուբեն Խլղաթյանին, որն ունի բազմահազար համակիրներ։

Պաշտոնապես տեղեկացնում եմ, որ անգամ ընտրակաշառք բառի հետ «Պատիվ Ունեմ» դաշինքի որևէ անդամ որևէ առնչություն չունի, առավել ևս Ռուբեն Խլղաթյանը, ով այնքան հեղինակություն և համակիրներ ունի, որ կապիտուլյանտի ողջ քաղաքական թիմին միայնակ կհաղթի ընտրություններում։ Սա հերթական քրեա-քաղաքական կարված գործն է, որը կրկին փլվելու է կապիտուլյանտի դատարկ գլխկին։

Կապիտուլյանտն այնքան սարսափած է իր կարած քրեական գործի փուչիկ լինելու փաստով, որ անգամ փաստաբանին թույլ չեն տվել իրավաբանական օգնություն տրամադրել Ռուբեն Խլղաթյանին։ Փաստաբանին հաջողվել է մտնել ոստիկանության բաժին և տեսնել իր վստահորդին միայն Մարդու իրավունքների պաշտպանի գրասենյակի միջամտությունից հետո։

Շինծու քրեական գործի ընթացքի և մանրամասների մասին տեղեկությունները պարբերաբար կհաղորդի փաստաբան Գայանե Պապոյանը։

Կապիտուլյանտին խորհուրդ եմ տալիս հանգիստ համակերպվել իր հեռանալուն և երաշխավորում եմ, որ իր նկատմամբ վենդետա չի լինելու։ Անգամ կապիտուլյանտի նկատմամբ գործելու է բացառապես օրենքն ու արդարադատությունը»։