կարևոր
403 դիտում, 1 շաբաթ առաջ - 2021-06-10 16:26

ԿԸՀ նոր որոշումը՝ «Հայոց արծիվներ. Միասնական Հայաստանը» չի մասնակցի ընտրությանը

ԿԸՀ նոր որոշումը՝ «Հայոց արծիվներ. Միասնական Հայաստանը» չի մասնակցի ընտրությանը

Կենտրոնական ընտրական հանձնաժողովը ուժը կորցրած ճանաչեց «Հայոց արծիվներ. Միասնական Հայաստան» կուսակցության ընտրական ցուցակի գրանցումը:

ԿԸՀ հունիսի 10-ի նիստում քարտուղար Արմեն Սմբատյանն հայտնել է, որ հունիսի 10-ին Կենտրոնական ընտրական հանձնաժողով է ներկայացվել գրություն՝ «Հայոց արծիվներ. Միասնական Հայաստան» կուսակցության նախագահի կողմից:

«Գրությանը կից փակցված է կուսակցության ղեկավար մարմնի՝ նախագահության որոշումը՝ ինքնաբացարկ հայտնելու վերաբերյալ»,-նշել է Սմբատյանը:

Նա հիշեցրեց նորմը, որ կուսակցությունները, դաշինքները կամ դաշինքի անդամ կուսակցությունները քվեարկության օրվանից ոչ ուշ, քան 10 օր առաջ ժամը 18:00-ն իրավունք ունեն ներկայացնելու ինքնաբացարկի մասին դիմում:

 Կուսակցության լիազոր մարմինը ԿԸՀ նիստում այլ ասելիք չուներ:

Այսպիսով, «Հայոց արծիվներ. Միասնական Հայաստան» կուսակցության ընտրական ցուցակի գրանցումն ուժը կորցրած ճանաչելու մասին նախագիծը քվեարկությամբ ընդունվեց: