կարևոր
1459 դիտում, 1 տարի առաջ - 2021-06-08 19:45

Կրթված առաջադիմական սոցիալական շերտերը մեր երկրի զարգացման ամենամեծ ռեսուրսն են․ Արմեն Գևորգյան

Կրթված առաջադիմական սոցիալական շերտերը մեր երկրի զարգացման ամենամեծ ռեսուրսն են․ Արմեն Գևորգյան

Մարզային երիտասարդության զարգացման սահմանափակ հնարավորությունների խնդիրը ինձ համար նորություն չէր, և այն շարքից է, որն իսկապես կառավարությունից լուրջ քայլեր է պահանջելու։ Մարզերում մենք ունենք բավական առաջադեմ, ակտիվ և  ունակ երիտասարդական շրջանակներ՝ գրեթե ամբողջական սոցիալական խավ։ Եվ մարդիկ հաճախ զրկված են զարգանալու, մասնագիտական աճ ապրելու, իրենց գործունեությունը ողջ երկրով մեկ տարածելու, ինչու չէ՝ երկրից դուրս աշխարհին ներկայանալու հնարավորությունից։ Այս մասին գրել է «Հայաստան» դաշինքի նախընտրական կենտրոնական շտաբի ղեկավար, ՀՀ նախկին փոխվարչապետ Արմեն Գևորգյանը․

«Ես ընդունում եմ, որ ռեսուրսների և հնարավորությունների անարդար և անհամաչափ կենտրոնացում է տեղի ունեցել Երևանում։

Եթե մենք ուզում ենք բացել մեր երկրի դռները 21-րդ դարի առաջ, եթե ուզում ենք լինել ժամանակակից պետություն, ապա այս խնդիրը պետք է լուծենք արագ ու գրագետ։ Կրթված առաջադիմական սոցիալական շերտերը մեր երկրի զարգացման ամենամեծ ռեսուրսն են, և ի դեպ, այդ ռեսուրսի կտրուկ աճը թույլ կտա լուծել հարակից շատ այլ խնդիրներ։

Մենք պատրաստ ենք որպես թիմակից ընկալել Հայաստանի ամենահեռավոր գյուղից մինչև Երևանի կենտրոն առաջադեմ, նոր մտածողությամբ շրջանակներին ու անհատներին և միասին գտնենք լավագույն լուծումները։ Հայաստանում մարդկային ռեսուրսի զարգացման, ողջ երկրով մեկ գիտակրթական, մշակութային կյանքի ակտիվացման և ընդհանրապես առաջադիմական մարդկանցով մենք կստեղծենք Հայաստանի նոր դեմքը»։