Թուրքամետ կապիտուլյանտին ձեր լուռ անտարբերությամբ կամ խոսուն աջակցությամբ դուք օգնում եք թշնամուն շարունակել գրավել ու գերեվարել մեզ. Վարուժան Գեղամյան

Թշնամական Ադրբեջանի բանակը արդեն մեկ ամիս է՝ ՀՀ սուվերեն տարածքում է, իսկ այսօր ադրբեջանցիները գերի են վերցրել մեր հերթական զինվորին ու դատելու են որպես դիվերսանտ։ Այս մասին գրել է թուրքագետ Վարուժան Գեղամյանը:

«Նույն այդ րոպեներին կապիտուլյանտ Ն. Փաշինյանը, ով արձակուրդ է վերցրել, որպեսզի զբաղվի նախընտրական քարոզչությամբ, փոխանակ զբաղվելու մեր պետության ամրացմամբ ու պաշտպանությամբ, գլխարկով ու փողկապով քարոզում է այն հայերի դեմ, որոնք դեմ են իրեն՝ բոլորին պիտակավորելով ամենավերջին բառերով։ Ո՛չ, նա թշնամու դեմ չի կանգնում ու ձեռք ցույց տալիս, այլ ճչում է հայերի վրա։

Սա է թուրքամետ իշխանությունը՝ իր ողջ պերճանքով։

Ինձ համար մասնագիտական տեսանկյունից ամեն բան պարզ է՝ Ադրբեջանն ու Թուրքիան Հայաստանում ունեն դաշնակիցներ, որոնք դեռ դե ֆակտո իշխանություն են։ Չգիտեմ էլ, թե ինչու գրեմ նոր փաստեր։ Սակայն բարոյականությունս ստիպում է նորից հիշեցնել այս հարթակի միջոցով, որ այս իրավիճակում թուրքամետ կապիտուլյանտին ձեր լուռ անտարբերությամբ կամ խոսուն աջակցությամբ դուք օգնում եք թշնամուն շարունակել գրավել ու գերեվարել մեզ։

Հունիսի 20-ից հետո, եթե կապիտուլյանտը մնա մեր երկրի ղեկին, հանձնելու են մեզ բոլորիս»:

Լուսանկարը՝ 168.am-ի, Նարեկ Խաչատրյանի:

Հիշեցնենք, որ ՀՀ ՊՆ հայտնել էր՝ հունիսի 8-ին, ՀՀ ԶՈՒ N զորամասի պայմանագրային զինծայառող, շարքային Ա. Քաթանյանը, մառախուղի պատճառով ապակողմնորոշվելով տեղանքում հայտնվել է Ադրբեջանի ԶՈւ վերահսկողության տակ գտնվող տարածքում։