կարևոր
1204 դիտում, 1 տարի առաջ - 2021-06-08 12:06

Դատարանի որոշմամբ ԵՊՀ ռեկտորի ժամանակավոր պաշտոնակատարի լիազորությունները պետք է դադարեցվեն

Դատարանի որոշմամբ ԵՊՀ ռեկտորի ժամանակավոր պաշտոնակատարի լիազորությունները պետք է դադարեցվեն

ՀՀ վերաքննիչ քաղաքացիական դատարանի որոշումով մերժվել է ԵՊՀ ռեկտորի ժ.պ. Գևորգյան Գեղամի վերաքննիչ բողոքը և անփոփոխ թողնվել Երևանի ընդհանուր
իրավասության դատարանի վճիռը: Այս մասին տեղեկանում ենք «Դատալեքս» տեղեկատվական համակարգից:

«Ըստ այդմ՝ Գևորգյան Գեղամի լիազորությունները ԵՊՀ ռեկտորի ժ.պ.-ի պաշտոնում դադարեցվում են»,-այս մասին հայտնել է «Քաղաքացու իրավունքների պաշտպան» ՀԿ նախագահ, հայցվոր Կարեն Հեքիմյանը։

Նշենք, որ դեռևս 2020թ.-ի դեկտեմբրի 17-ի կայացրած վճռով Երևան քաղաքի ընդհանուր իրավասության դատարանը, նախագահությամբ դատավոր Հ. Զարգարյանի որոշել էր Կարեն Հրանտի Հեքիմյանի հայցադիմումն ընդդեմ «Երևանի պետական համալսարան» հիմնադրամի՝ ի դեմս հոգաբարձուների խորհրդի և երրորդ անձ՝ «Երևանի պետական համալսարան» հիմնադրամի ռեկտորի ժամանակավոր պաշտոնակատար Գեղամ Գևորգյանի՝ «Երևանի պետական համալսարան» հիմնադրամի հոգաբարձուների խորհրդի 30.05.2019 թվականի թիվ 43 որոշումն անվավեր ճանաչելու և Երևանի պետական համալսարանի ռեկտորի ժամանակավոր պաշտոնակատարի լիազորությունները դադարեցնելու պահանջների մասին, բավարարել: