կարևոր
1510 դիտում, 1 տարի առաջ - 2021-06-07 16:26

Պարզվել է «Հայաստան» դաշինքի պաստառները վնասողի և գողացողի ինքնությունը. գողոնը հայտնաբերվել է

Պարզվել է «Հայաստան» դաշինքի պաստառները վնասողի և գողացողի ինքնությունը. գողոնը հայտնաբերվել է

Հունիսի 5-ին ոստիկանության Արագածի բաժին հաղորդում էր ստացվել, որ հունիսի 4-ի ժամը 22.00-ից հունիսի 5-ի ժամը 09.00-ն ընկած ժամանակահատվածում «Հայաստան» դաշինքի Ծաղկահովիտ գյուղի շտաբի շենքի պատին փակցված պաստառները գողացել են:

Ոստիկանությունից հայտնում են, որ նույն օրը հաղորդում է ստացվել, որ «Հայաստան» դաշինքի Ալագյազ գյուղի շտաբի պաստառների մի մասը գողացել են, մյուսները՝ վնասել:

Ոստիկանության Արագածի բաժնի ծառայողների ձեռնարկած միջոցառումների շնորհիվ պարզվել է պաստառները վնասողի և գողացողի ինքնությունը: 32-ամյա կասկածյալը հրավիրվել է բաժին, որտեղ տվել է խոստովանական բացատրություն:

Գողոնը հայտնաբերվել է:

Ավելի վաղ հայտնել էինք, որ «Հայաստան» դաշինքի ներկայացուցիչ Արամ Վարդեւանյանը հայտարարություն էր տարածել, որտեղ նշել էր, որ հունիսի 4-ի գիշերը մի խումբ անձինք դիտավորությամբ վնասել ու ոչնչացրել են Արագածոտնի մարզի Ծաղկահովիտ համայնքում և Շիրակի մարզի Սառնաղբյուր համայնքում տեղակայված «Հայաստան» դաշինքի շտաբերի պաստառները: