կարևոր
1471 դիտում, 1 տարի առաջ - 2021-06-07 12:38

Քարոզարշավին ընդառաջ Փաշինյանն արձակուրդի է ուղարկել մարզպետներին, նաեւ Արայիկ Հարությունյանին ու Արսեն Թորոսյանին

Քարոզարշավին ընդառաջ Փաշինյանն արձակուրդի է ուղարկել մարզպետներին, նաեւ Արայիկ Հարությունյանին ու Արսեն Թորոսյանին

Նիկոլ Փաշինյանն արձակուրդի է ուղարկել երեք մարզպետի: Ենթադրվում է, որ մարզպետներն արձակուրդի են գնում ընտրություններին պատրաստվելու համար։

Արձակուրդ են գնացել նաեւ վարչապատի աշխատակազմի ղեկավար Արսեն Թորոսյանը եւ վարչապետի առաջին խորհրդական Արայիկ Հարությունյանը:

Շիրակի մարզպետ Հովհաննես Հարությունյանին հունիսի 7-18-ը ներառյալ  արձակուրդում գտնվելու ընթացքում կփոխարինի Հայաստանի Հանրապետության Շիրակի մարզպետի տեղակալ Պողոս Աբրահամյանը:

Լոռու մարզպետ Արամ Խաչատրյանին հունիսի 7-18-ը ներառյալ կփոխարինի Հայաստանի Հանրապետության Լոռու մարզպետի տեղակալ Գոռ Ասրյանը:

Գեղարքունիքի մարզպետ Գնել Սանոսյանին հունիսի 7-18-ը ներառյալ կփոխարինի Հայաստանի Հանրապետության Գեղարքունիքի մարզպետի տեղակալ Նարեկ Մանուկյանը:

Հայաստանի Հանրապետության վարչապետի աշխատակազմի ղեկավար Արսեն Թորոսյանին կփոխարինի վարչապետի աշխատակազմի ղեկավարի առաջին տեղակալ Ծովինար Սողոմոնյանը:

Նշենք նաև, որ վարչապետի պաշտոնակատարը երեք մարզում մարզպետի տեղակալներ է նշանակել:

Դավիթ Սարգսյանը նշանակվել է Հայաստանի Հանրապետության Վայոց ձորի մարզպետի տեղակալ:

Ռուբիկ Նավոյանը՝ Գեղարքունիքի մարզպետի տեղակալ:

Տիգրան Եղիազարյանը՝ Արագածոտնի մարզպետի տեղակալ: