կարևոր
1609 դիտում, 1 տարի առաջ - 2021-06-04 10:50

Այսօր՝ հունիսի 4-ին, Հայաստանի դպրոցներում կհնչի «Վերջին զանգը»

Այսօր՝ հունիսի 4-ին, Հայաստանի դպրոցներում կհնչի «Վերջին զանգը»

Այսօր՝ հունիսի 4-ին, Հայաստանի Հանրապետության դպրոցների 12-րդ դասարանցիների համար կհնչի «Վերջին զանգը»։ 

Ավարտական դասարաններում կազմակերպվող միջոցառումը կիրականացվի բացօթյա։

«Վերջին զանգի» միջոցառումներով պայմանավորված, Ճանապարհային ոստիկանությունը հունիսի 4-ին իրականացնելու է ուժեղացված ծառայություն: Ճանապարհային ոստիկանությունը հայտնել է, որ միջոցառումների շրջանակներում ուշադրության կենտրոնում են լինելու վարելու իրավունք չունեցող անձանց, մասնավորապես՝ շրջանավարտների կողմից մեքենա վարելու դեպքերը, ինչպես և ճանապարհային երթևեկության այլ կանոնների միտումնավոր խախտումները։

Հիշեցնենք, որ ուսումնական տարին 12-րդ դասարանների համար ավարտվում է հունիսի 4-ին: Տարին շուտ կավարտվի նաև առաջին և երկրորդ դասարանների համար, որոնց ուսումնական շրջանի տևողությունը կարճ է: Մյուս դասարանները տարին կավարտեն հունիսի 18-ին:

Արցախի Հանրապետությունում «Վերջին զանգը» կհնչի հունիսի 5-ին։ Հաշվի առնելով Արցախյան երրորդ պատերազմի հետևանքները՝ այս տարի տոնական որևէ միջոցառում չի իրականացվելու։  2020-2021 ուսումնական տարում շրջանավարտների թիվն Արցախում կազմում է 853՝ նախորդ տարվա 1285-ի փոխարեն։