կարևոր
1051 դիտում, 1 տարի առաջ - 2021-06-01 15:54

Հռոմի պապն ավարտել է մեկամսյա աղոթքը՝ հանուն COVID-19-ի համավարակի դադարեցման

Հռոմի պապն ավարտել է մեկամսյա աղոթքը՝ հանուն COVID-19-ի համավարակի դադարեցման

Վատիկանի այգիներում Հռոմի Ֆրանցիսկոս պապի գլխավորությամբ անցկացված հանդիսավոր արարողությամբ ավարտվել է աղոթքի «մարաթոնը»՝ հանուն COVID-19-ի համավարակի դադարեցման, որին մեկ ամիս շարունակ մասնակցել են Սուրբ Աստվածածնի՝ աշխարհում առավել հայտնի 30 տաճարներ:

«Մենք շարունակում ենք Աստծուն խնդրել, որպեսզի նա համավարակից պաշտպանի ամբողջ աշխարհը: Եվ որպեսզի բոլորին շուտ հնարավորություն տրվի պաշտպանություն ստանալ պատվաստանյութի միջոցով»,-հայտարարել է քահանայապետը:

Աղոթքի «մարաթոնն» սկսվել է մայիսի 1-ին Սուրբ Պետրոսի տաճարում, որը 7-րդ դարից ի վեր պաշտամունքի առարկա է եւ գտնվում է Վատիկանի բազիլիկի սուրբ Գրիգորի մատուռում: Այդ նախաձեռնության անցկացման գաղափարը Ֆրանցիսկոս պապինն է, որը սուրբ Մարիամի 30 նշանավոր տաճարի հրավիրել է միանալ հանուն համավարակի դադարեցման աղոթքին՝ մարդկության հույսը դնելով Աստվածածնի մայրական հովանավորության վրա: Նշանաբանն է դարձել «Եկեղեցին ջերմեռանդ աղոթում էր Աստծուն» խոսքերը՝ «Գործ առաքելոցից»:

Տեղական ժամանակով 18:00-ին աղոթքներ են բարձրացել աշխարհի տարբեր ծայրերում, այդ թվում՝ Ավետյաց երկրում, Իտալիայում, Լեհաստանում, Պորտուգալիայում, Մեքսիկայում, Ուկրաինայում: