կարևոր
1207 դիտում, 1 տարի առաջ - 2021-05-31 16:35

Այլևս չեմ կատարում ԱԳՆ մամուլի քարտուղարի պարտականությունները. Աննա Նաղդալյան

Այլևս չեմ կատարում ԱԳՆ մամուլի քարտուղարի պարտականությունները. Աննա Նաղդալյան

Տեղեկացնեմ, որ այլևս չեմ կատարում ՀՀ ԱԳՆ մամուլի քարտուղարի պարտականությունները, այս մասին ֆեյսբուքյան գրառմամբ տեղեկացրել է Աննա Նաղդալյանը։

«Ցանկանում եմ շնորհակալություն հայտնել ԶԼՄ բոլոր ներկայացուցիչներին, ԱԳՆ գործընկերներիս, իմ թիմին՝ այս դժվարին և պատասխանատու ժամանակահատվածում արդյունավետ համագործակցության և աջակցության համար:

Առանձնահատուկ շնորհակալություն եմ հայտնում Արա Այվազյանին և Զոհրաբ Մնացականյանին՝ ցուցաբերած վստահության համար. մեծ պատիվ էր աշխատել նման փորձառու և հայրենասեր դիվանագետների հետ:

Հայտնում եմ, որ շարունակելու եմ աշխատանքս դիվանագիտական ծառայությունում:

ԱԳՆ գործունեության վերաբերյալ մեկնաբանությունների և այլ հարցերի համար կարող եք դիմել [email protected] էլեկտրոնային հասցեով»: