կարևոր
892 դիտում, 1 տարի առաջ - 2021-05-30 13:05

Հրշեջները մարել են ավտոմեքենայի հրդեհը Մաշտոցի պողոտայում

Հրշեջները մարել են ավտոմեքենայի հրդեհը Մաշտոցի պողոտայում

Ճգնաժամային կառավարման ազգային կենտրոնը մայիսի 30-ին՝ ժամը 02:08-ին ահազանգ է ստացել, որ Մատենադարանի մոտակայքում այրվում է ավտոմեքենա: Այս մասին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատի երկու մարտական հաշվարկ։

Պարզվել է, որ Մաշտոցի պողոտայի շենքերից մեկի մոտակայքում «BMW 4» մակնիշի ավտոմեքենան բախվել է ծառին և հրդեհ է բռնկվել։

Հրդեհը մեկուսացվել է ժամը 02:15-ին, մարվել՝ 02:20-ին: Այրվել են շարժիչի հատվածը և սրահը (մասամբ)։