կարևոր
1525 դիտում, 1 տարի առաջ - 2021-05-29 17:03

Փաշինյանը փաստացի ընդունում է, որ դրանք վիճելի տարածքներ են

Փաշինյանը փաստացի ընդունում է, որ դրանք վիճելի տարածքներ են

«Քաղաքացիական պայմանագիր» կուսակցության՝ Նորք Մարաշի նախընտրական շտաբում համախոհների հետ հանդիպմանը Նիկոլ Փաշինյանն անդրադարձել է ԵԱՀԿ Մինսկի խմբի տարածած հաղորդագրությանը, որով միջնորդները կոչ են անում կողմերին անհապաղ քայլեր ձեռնարկել՝ ներառյալ զորքերի հետքաշում, իրավիճակը լիցքաթափելու ու սահմանների՝ խաղաղ բանակցությունների միջոցով դելիմիտացիա եւ դեմարկացիա սկսելու համար:

Փաշինյանն ասել է, որ Մինսկի խմբի առաջարկած քայլերի տրամաբանությունը սկզբունքորեն ընդունելի է հայկական կողմի համար:

Ստացվում է՝ համաձայնելով հետ քաշել զորքերը Հայաստանի ինքնիշխան տարածքից, որի նկատմամբ ակնհայտ հավակնություններ ունի Ադրբեջանը, Նիկոլ Փաշինյանը փաստացի ընդունում է, որ դրանք վիճելի տարածքներ են ու դեռ բանակցությունների միջոցով պետք է վերջնականապես հստակեցվեն, թե ում դրանք են պատկանում:

Մինչդեռ, մոտ մեկ շաբաթ առաջ Հայաստանի արտգործնախարարությունը հայտարարել էր, որ Երեւանը մերժում է այսպես կոչված «վիճելի տարածքներ» կեղծ օրակարգի ներմուծումը: