կարևոր
1252 դիտում, 1 տարի առաջ - 2021-05-27 21:14

ՌԴ ԱԳ փոխնախարարն ու ԵՄ հատուկ ներկայացուցիչը քննարկել են իրավիճակը հայ-ադրբեջանական սահմանին

ՌԴ ԱԳ փոխնախարարն ու ԵՄ հատուկ ներկայացուցիչը քննարկել են իրավիճակը հայ-ադրբեջանական սահմանին

Ռուսաստանի արտաքին գործերի նախարարի տեղակալ Անդրեյ Ռուդենկոն այսօր՝ մայիսի 27-ին, հեռախոսազրույց է ունեցել Հարավային Կովկասում ԵՄ հատուկ ներկայացուցիչ Տոյվո Կլաարի հետ՝ վերջինիս նախաձեռնությամբ:

Ինչպես հայտնում է ՌԴ ԱԳՆ մամուլի ծառայությունը, տեղի է ունեցել մտքերի և գնահատականների օգտակար փոխանակություն հայ-ադրբեջանական սահմանին ստեղծված իրավիճակի, ԵԱՀԿ Մինսկի խմբի համանախագահների աշխատանքի համատեքստում Արցախյան հակամարտության կարգավորման ընթացքի վերաբերյալ:  

Ռուսական կողմից վերահաստատվել է բոլոր ծագող խնդիրները բանակցությունների ընթացքում խաղաղ ճանապարհով լուծելու կողմերի կոչը։ Ռուսաստանը պատրաստ է հետագայում ևս հնարավոր աջակցություն ցուցաբերել այդ գործընթացին։