կարևոր
1681 դիտում, 1 տարի առաջ - 2021-05-25 19:11

Արցախի Հաշվեքննիչ պալատի նախագահ Վահրամ Բաղդասարյանը հրաժարական է տվել

Արցախի Հաշվեքննիչ պալատի նախագահ Վահրամ Բաղդասարյանը հրաժարական է տվել

Արցախի Հաշվեքննիչ պալատի նախագահ Վահրամ Բաղդասարյանը հրաժարականի դիմում է ներկայացրել։ Արցախի Հանրապետության ԱԺ նախագահ Արթուր Թովմասյանը մայիսի 25-ին հանդես է եկել հայտարարությամբ, որում ասվում է.

««Ազգային ժողովի կանոնակարգ» օրենքի 129-րդ հոդվածի 1-ին մասի համաձայն՝ հայտարարում եմ, որ Արցախի Հանրապետության Հաշվեքննիչ պալատի նախագահ Վահրամ Բաղդասարյանը մայիսի 25-ին ներկայացրել է հրաժարականի դիմում:

«Ազգային ժողովի կանոնակարգ» օրենքի 129-րդ հոդվածի 2-րդ մասի համաձայն, եթե հրաժարականի հրապարակումից հետո՝ մեկ շաբաթվա ընթացքում, պաշտոնատար անձը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որը ստորագրում ու հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված»:

Նշենք, որ Վահրամ Բաղդասարյանն Արցախի Հանրապետության Հաշվեքննիչ պալատի նախագահ ընտրվել էր 2021թ․ փետրվարի 4-ին։