կարևոր
1768 դիտում, 1 տարի առաջ - 2021-05-25 18:45

Մեր սահմաններին որևէ կրակող չի եղել, բարեբախտաբար, բայց թշնամին դեռ սահմանում է. Գորիսի փոխհամայնքապետ

Մեր սահմաններին որևէ կրակող չի եղել, բարեբախտաբար, բայց թշնամին դեռ սահմանում է. Գորիսի փոխհամայնքապետ

Գորիս համայնքում ամեն ինչ խաղաղ է։ Մեր սահմաններին որևէ կրակող չի եղել, բարեբախտաբար այլ միջադեպեր ևս չկան։ Այս մասին տեղեկացնում է Գորիսի փոխհամայնքապետ Իրինա Յոլյանը։

«Թշնամին դեռ շարունակում է մեր սահմանում մնալ, բայց որևէ միջադեպ, Փառք Աստծո, չկա։ Տղաները սահմանին զգոն են»,- գրել է նա։

Նշենք, որ քիչ առաջ էլ ՀՀ ՊՆ-ն հաղորդագրություն է տարածել, նշելով, որ տարածվող տեղեկությունները հայ-ադրբեջանական սահմանի՝ Սիսիանի հատվածում հակառակորդի կողմից արձակված կրակոցների և դրանց հետևանքով հայկական կողմից վիրավորների վերաբերյալ չեն հաստատվում։

«Սահմանագծի այդ հատվածում միջադեպեր չեն գրանցվել»,- հայտնել են ՊՆ-ից։

Հիշեցնենք, որ Գեղարքունիքի մարզի Վերին Շորժայի սահմանային հատվածում այսօր՝ մայիսի 25-ին, ժամը 14։20-ի սահմաններում թշնամին հայ դիրքապահների ուղղությամբ կրակել է․ փոխհրաձգության արդյունքում հայ զինծառայող է զոհվել։