կարևոր
1468 դիտում, 1 տարի առաջ - 2021-05-24 12:47

Զարիֆը կայցելի Երեվան և Բաքու. այցի նպատակի մասին մանրամասներ չեն հաղորդվում

Զարիֆը կայցելի Երեվան և Բաքու. այցի նպատակի մասին մանրամասներ չեն հաղորդվում

Իրանի արտգործնախարար Մոհամադ Ջավադ Զարիֆը վաղը՝ մայիսի 25-ին, կայցելի Երեւան եւ Բաքու: Այս մասին այսօր ճեպազրույցի ժամանակ հայտնել է Իրանի արտգործնախարարության խոսնակ Սաիդ Խատիբզադեն:

Այցի նպատակի մասին մանրամասներ նա չի հաղորդել:

Ի դեպ, նախօրեին Երեւան է ժամանել Իրանի ճանապարհների եւ քաղաքաշինության նախարար Մոհամադ Էսլամիի գլխավորած պատվիրակությունը:

Այսօր էլ Հայաստանի արտգործնախարարի պաշտոնակատար Արա Այվազյանն ընդունել է Հայաստանում Իրանի դեսպանին: Արտգործնախարարությունից հայտնում են, որ հանդիպմանն անդրադարձ է կատարվել Հայաստանի սահմանամերձ մարզերում Ադրբեջանի սադրիչ գործողությունների հետեւանքով ստեղծված իրադրությանը: Արա Այվազյանն ընդգծել է Հայաստանի ինքնիշխան տարածք ներթափանցած ադրբեջանական զինված ուժերի անհապաղ եւ անվերապահ դուրսբերման հրամայականը: