ուղիղ եթեր փակել
Այս պահին Երևանում
+34°
ощущаетվя как +32°C
քիչ ամպամածություն
4 մ/վ քամու ուժգնություն
4
30.06.2022
USD 407.21 -1.10
GBP 492.81 -3.61
EUR 423.54 -6.21
GEL 139.05 -0.30
RUB 7.75 -0.08

Վերջին ավելացված հաղորդումներ

Ամենադիտվածներ

կարևոր
2089 դիտում, 1 տարի առաջ - 2021-05-19 22:51

Փաշինյանի թիմը շարունակում է ստել. ՊՆ-ն հերքում, այնուհետև հաստատում է՝ տեսանյութը 2 օր առաջվա դեպք է

Եվ այսպես, մի քանի ժամ շարունակ համացանցը տակնուվրա արած տեսանյութը, որում հայ զինվորականները անկազմակերպ փախչում են ադրբեջանական թեթեւ զենքով զինված սահմանապահների դիմացից, իրական է, նկարահանվել է մայիսի 17-ին, Գեղարքունիքի սահմանային հատվածներում։ Այդ մասին քիչ առաջ պաշտոնապես հայտարարեց Հայաստանի Հանրապետության պաշտպանության նախարարությունը։

Մինչ այդ իշխանական ներկաայցուցիչները ակտիվորեն հերքում էին այդ լուրը: ՊՆ-ի անունից սուտը տարածողների թվում էին Աժ փոխխոսնակ Ալեն Սիմոնյանը, «իմ քայլի» պատգամավորներ Վահագն Ալեքսանյանը, Արթուր Հովհաննիսյանը, Արփի Դավթյանը և այլք:

Իսկ կեղծիքի սկզբնաղբյուրն էր ֆեյքերի ՊՈԱԿ-ի «Տեղեկատվության ստուգման հարթակ» կոչվող կայքը, որը գրել էր «ՊՆ-ից հայտնել էին, որ ֆեյսբուքյան ադրբեջանցի օգտատերերի կողմից տարածվող տեսանյութը ադրբեջանցի և հայ զինվորականների մասնակցությամբ առնչություն չունի Սյունիքի և Գեղարքունիքի վերջին դեպքերի հետ և որ տեսանյութը  ուսումնասիրության է ենթարկվում՝ իրական տեղի և ժամանակի վերհանման նպատակով»։

Սուտը տարածել են նաև իշխանական քարոզչամիջոցները, այդ թվում՝ «Արմենպրես» պետական գործակալությունը:

Հիշեցնենք, որ պաշտպանության նախարարը Վաղարշակ Հարությունյանն է, իսկ Զինված ուժերի գլխավոր շտաբի պետը գեներալ Արտակ Դավթյանը։

Պաշտպանության նախարարությունը հաստատում է, որ «սոցիալական ցանցերի ադրբեջանցի օգտատերերի կողմից տարածված` հայ և ադրբեջանցի զինվորների մասնակցությամբ տեսանյութի ուսումնասիրության արդյունքում պարզվել է, որ դեպքն իրականում տեղի է ունեցել 2021 թվականի մայիսի 17-ին, հայ-ադրբեջանական սահմանի արևելյան հատվածում:

Հայտնում ենք, որ միջադեպի վերաբերյալ նշանակվել է ծառայողական քննություն: Պաշտպանության նախարարությունը հետամուտ է լինելու բոլոր հանգամանքների բացահայտմանը և համապատասխան իրավական հետևանքների կիրառմանը»:      

Իսկ երեկ ՊՆ-ն հայտարարել էր, թե «ադրբեջանցի և հայ զինվորականների միջև վիճաբանություն է եղել, որն արագ հարթվել է»:

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS