կարևոր
1132 դիտում, 1 տարի առաջ - 2021-05-19 19:28

Մակունցի հավաստմամբ՝ ԱՄՆ-ում ՀՀ դեսպան նշանակվելու ագրեմանը տրվել է

Մակունցի հավաստմամբ՝ ԱՄՆ-ում ՀՀ դեսպան նշանակվելու ագրեմանը տրվել է

Լիլիթ Մակունցի՝ ԱՄՆ-ում դեսպան նշանակվելու ագրեմանը եկել է: Ազգային ժողովի «Իմ քայլը» խմբակցության ղեկավար Լիլիթ Մակունցը ՍիվիլՆեթի հետ զրույցում ասել է, որ ԱՄՆ-ում իր՝ դեսպան նշանակվելու ագրեմանը՝ համաձայնությունը ստացվել է հյուրընկալող երկրից։

Նա ասել է, որ այդ հարցին կանդրադառնան հունիսի 20-ին սպասվող խորհրդարանական արտահերթ ընտրություններից հետո:

Հիշեցնենք, որ Մակունցի թեկնածությունը քննադատորեն էր ընդունվել դիվանագիտական և Ամերիկայում հայկական լոբբիստական կազմակերպությունների շրջանակներում: «Սխալ է նշանակել մեկին, որը նոր պետք է սովորի իր աշխատանքը, պաշտոն զբաղեցնի այդպիսի բարդ ու պատասխանատու ուղղաթյան վրա, որտեղ ստեղծված իրավիճակում խաղադրույքներն այդքան բարձր են: Այդպիսի պաշտոնն էլ չպետք է զբաղեցվի չաշխատելով»,- նման տեսակետի են Հայ Դատի Ամերիկայի հանձնախմբում: