կարևոր
2245 դիտում, 1 տարի առաջ - 2021-05-14 23:25

ՀԱՊԿ-ը հայ-ադրբեջանական սահմանին իրավիճակի վերաբերյալ խորհրդակցություններ կանցկացնի

ՀԱՊԿ-ը հայ-ադրբեջանական սահմանին իրավիճակի վերաբերյալ խորհրդակցություններ կանցկացնի

Հայաստանը պաշտոնական դիմումով ծանոթացրել է Հավաքական անվտանգության պայմանագրի կազմակերպության (ՀԱՊԿ) քարտուղարությանը հայ-ադրբեջանական սահմանին տիրող իրավիճակին: Սյունիքի մարզում իրավիճակի շուրջ խորհրդակցությունները կանցկացվեն առաջիկա օրերին։ Այս մասին ՏԱՍՍ-ին հայտնել է ՀԱՊԿ մամուլի քարտուղար Վլադիմիր Զայնետդինովը:

Զայնետդինովը նաև նշել է, որ ՀԱՊԿ գլխավոր քարտուղարը օրվա ընթացքում մի քանի բանակցություններ է վարել Հայաստանի և Տաջիկստանի ներկայացուցիչների հետ:

«Այսօր ՀԱՊԿ գլխավոր քարտուղար Ստանիսլավ Զասը հեռախոսով քննարկել է հայ-ադրբեջանական սահմանին տիրող իրավիճակը Հայաստանի արտաքին գործերի նախարարի պաշտոնակատար Արա Այվազյանի և Տաջիկստանի արտաքին գործերի նախարար Սիրոջիդին Մուխրիդինի հետ»,- նշել է ՀԱՊԿ մամուլի քարտուղարը: