կարևոր
751 դիտում, 1 ամիս առաջ - 2021-05-14 00:54

Էմանուել Մակրոնը վերահաստատել է Ֆրանսիայի հավատարմությունը Հայաստանի Հանրապետության տարածքային ամբողջականության նկատմամբ

Էմանուել Մակրոնը վերահաստատել է Ֆրանսիայի հավատարմությունը Հայաստանի Հանրապետության տարածքային ամբողջականության նկատմամբ

Ֆրանսիայի Հանրապետության նախագահը հեռախոսազրույց է ունեցել Նիկոլ Փաշինյանի հետ այս հինգշաբթի՝ մայիսի 13-ին, հայտնում է ՀՀ-ում Ֆրանսիայի արտակարգ և լիազոր դեսպան Ջոնհաթան Լաքոթը: 

Քննարկել են Սյունիքի մարզում ադրբեջանական զինված ուժերի կողմից Հայաստանի ինքնիշխան տարածք ներխուժելու հետևանքով ստեղծված իրավիճակն ու այն հանգուցալուծելու քայլերը: Էմանուել Մակրոնը վերահաստատել է Ֆրանսիայի հավատարմությունը Հայաստանի Հանրապետության տարածքային ամբողջականության նկատմամբ և ընդգծել է Հայաստանի սուվերեն տարածքից ադրբեջանական զինված ուժերի անհապաղ դուրսբերման անհրաժեշտությունը:

«Ֆրանսիան ցանկանում է, որ տարածաշրջանում լարվածության իրավիճակի վերաբերյալ որոշում գտնվի ՄԱԿ-ի Անվտանգության խորհրդի միջոցով, որպեսզի կայունությունն ու անվտանգությունը վերադառնա այդ տարածաշրջան»,- նշված է Ֆրանսիայի նախագահի աշխատակազմի հաղորդագրության մեջ: