ուղիղ եթեր փակել
Այս պահին Երևանում
+29°
ощущаетվя как +26°C
բաց երկինք
6 մ/վ քամու ուժգնություն
արևածագ: 06:15
16.08.2022
USD 406.09 -0.10
GBP 488.16 -2.80
EUR 411.41 -2.90
GEL 145.81 +1.52
RUB 6.62 +0.02

Վերջին ավելացված հաղորդումներ

Ամենադիտվածներ

կարևոր
1435 դիտում, 1 տարի առաջ - 2021-05-11 21:20

Խորհրդարանում հայտնվելու համար ի՞նչ փուլերով պետք է անցնեն ուժերը․ ՏԵՍԱՆՅՈւԹ

Երկու անգամ վարչապետ չընտրելուց հետո Ազգային Ժողովն իրավունքի ուժով արձակված է: Նախագահի հրամանագրով արտահերթ խորհրդարանական ընտրությունները նշանակված են դեռ երկու ամիս առաջ Նիկոլ Փաշինյանի մատնանշած օրը՝ հունիսի 20-ին:

Ընտրական օրենսգիրքը արտահերթ ընտրությունների համար նախընտրական քարոզարշավի կարճ ժամանակահատված է նախատեսում՝ 12 օր: Հունիսի 7-ից կմեկնարկի քարոզարշավն ու կավարտվի հունիսի 19-ին:

Կուսակցությունների համար խորհրդարանում հայտնվելու շեմը շարունակում է մնալ 5 տոկոսը, կուսակցությունների դաշինքների դեպքում` 7 տոկոսը: Խորհրդարան պետք է անցնի նվազագույնը երեք ուժ:

Պատգամավորների մանդատների նախնական բաշխման մասին Կենտրոնական ընտրական հանձնաժողովի որոշումից հետո ընտրական շեմը հաղթահարած ցանկացած կուսակցություն կամ դաշինք 6 օր ժամանակ ունի շեմը հաղթահարած առավելագույնը երկու կուսակցության կամ դաշինքի հետ կոալիցիա կազմելու համար, եթե նրանք եկել են համաձայնության վարչապետի թեկնածուի վերաբերյալ: Ձեւավորված կոալիցիան պետք է ունենա մանդատների ընդհանուր թվի առնվազն 54 տոկոսը:

Վերջնաժամկետը լրանալու հաջորդ օրը, եթե կոալիցիա չձեւավորվի, Կենտրոնական ընտրական հանձնաժողովը պետք է հայտարարի ընտրության երկրորդ փուլ անցկացնելու մասին: Այն տեղի կունենա քվեարկության օրվանից՝ այսինքն հունիսի 20-ից հետո՝ 28-րդ օրը: Ընտրության երկրորդ փուլին կաարող են մասնակցել առավելագույն ձայներ ստացած երկու ուժերը: Իսկ եթե վերջինները որոշեն միասին նոր դաշինք կազմել, ապա երկրորդ փուլին կմասնակցեն այդ նոր դաշինքն ու առավելագույն ձայներ ստացած երրորդ ուժը:

Եթե երկրորդ փուլով հաջողվի ձեւավորել կայուն խորհրդարանական մեծամասնություն, ու եթե ընտրության արդյունքներն անվավեր ճանաչելու հիմքով նոր ընտրություններ չնշանակվեն, ապա քվեարկության օրվանից հետո՝ 7-րդ օրը Կենտրոնական ընտրական հանձնաժողովը կհայտարարի Ազգային ժողովի ձեւավորված լինելու մասին:

Նորընտիր խորհրդարանի կազմավորումից հետո` երկրորդ երկուշաբթի օրը՝ հրավիրվում է առաջին նստաշրջանը: Հանրապետության նախագահը անհապաղ վարչապետ է նշանակում խորհրդարանական մեծամասնության թեկնածուին: Վարչապետ նշանակելուց հետո՝ տասնհինգօրյա ժամկետում էլ կառավարության կազմն է ձեւավորվում՝ վարչապետի առաջարկով եւ նախագահի նշանակմամբ:

Մանրամասները՝ Անահիտ Հովհաննիսյանի տեսանյութում:

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS