կարևոր
1618 դիտում, 1 տարի առաջ - 2021-05-08 22:48

Սահմանամերձ Նռնաձոր գյուղում նոր թաղամաս կկառուցվի պատերազմի հետևանքով Արցախից տեղահանված բնակիչների համար

Սահմանամերձ Նռնաձոր գյուղում նոր թաղամաս կկառուցվի պատերազմի հետևանքով Արցախից տեղահանված բնակիչների համար

Սահմանամերձ Նռնաձոր գյուղում նոր թաղամաս կկառուցվի պատերազմի հետևանքով Արցախից տեղահանված բնակիչների համար։ Այսօր տեղի ունեցավ Նռնաձոր գյուղում կառուցվող նոր թաղամասի երկու առանձնատների հիմնարկեքի արարողությունը: Այս մասին հայտնում են Մեղրիի համայնքապետարանի ֆեյսբուքյան էջում:

«Ծրագրով նախատեսվում է կառուցել 30 անհատական բնակելի առանձնատների թաղամաս՝ նախատեսված պատերազմի հետևանքով Արցախից տեղահանված բնակիչների համար: Արդեն իսկ մեկնարկել են երկու տների կառուցման աշխատանքները։

Սյունիքի բարեգործական հիմնադրամի տնօրեն Գուրգեն Գրիգորյանն իր խոսքում նշեց. «Ծրագիրն այսքանով չի սահմանափակվում, մեր հեռահար նպատակների շրջանակներում է ընդգրկված ամբողջ Մեղրի համայնքը: Բոլորս քաջ գիտակցում ենք, որ հայրենիքը սկսվում է սահմանից և հենց դրանով էր պայմանավորված, որ ընտրեցինք հայրենիքի վերջին, սահմանամերձ համայնքը՝ շենացնելու, նոր շունչ հաղորդելու ու վերաբնակեցնելու համար»: Մեղրի համայնքի ղեկավար Մխիթար Զաքարյանը շնորհակալական խոսք հղեց հիմնադրամին իրենց աջակցությունն ու զորակցությունը ցուցաբերելու համար, ինչի արդյունքում Նռնաձորը՝ հարավարևելյան ուղղության առաջին սահմանամերձ գյուղը կվերաբնակեցվի և նոր շունչ կստանա:

Տարածաշրջանի հոգևոր հայր տեր Ռաֆայելի ձեռամբ օծվեցին նոր կառուցվող առանձնատների հիմնաքարերը»: