կարևոր
697 դիտում, 1 ամիս առաջ - 2021-05-08 18:02

Թաղավարդում և Մեծ Թաղերում թշնամու կողմից գերեզմանատները ոչնչացնելու դեպքերի մասին հրապարակումներն ուղարկվել են Արցախի ոստիկանություն

Թաղավարդում և Մեծ Թաղերում թշնամու կողմից  գերեզմանատները ոչնչացնելու դեպքերի մասին հրապարակումներն ուղարկվել են Արցախի ոստիկանություն

Մայիսի 3-ից տարբեր լրատվամիջոցներով տեղեկություններ են հրապարակվել Արցախի Հանրապետության Թաղավարդ և Մեծ Թաղեր գյուղերի գերեզմանատները ոչնչացնելու դեպքերի վերաբերյալ:

Արցախի Հանրապետության դատախազությունից հայտնում են, որ հիշյալ հրապարակումները առերևույթ տեղեկություն են պարունակում ԱՀ քրեական օրենսգրքի 276-րդ հոդվածի 2-րդ մասի 2-րդ կետով (Թաղման վայրերը, մահացածներին թաղելու կամ նրանց հիշատակի հետ կապված ծիսակատարությունների համար նախատեսված գերեզմանների վրա եղած շինությունները կամ առարկաները ոչնչացնելը, վնասելը կամ պղծելը, որը կատարվել է ազգային, ռասայական կամ կրոնական ատելության կամ թշնամանքի շարժառիթով) նախատեսված հանցագործության հատկանիշներ պարունակող արարքների վերաբերյալ, ուստի սույն թվականի մայիսի 7-ին լրատվամիջոցների հրապարակումները ուղարկվել են ԱՀ ոստիկանություն` քրեական դատավարության օրենսդրությամբ սահմանված ընթացակարգով քննարկելու համար: